سئوگیلیم  قویما دیلیمده نه شكایت قالسین

نه ده  كونلومده-گوءزومده  آجی حسرت قالسین

گل وفاسیز دئمه  بس دیر  سنی جاندان سئونه

قویمارام بیرداها اوستومده  بو تهمت قالسین

بیر گوءزلسن كی  گوءزللر سنه دیكمیش گوءزونو

دئییرم   اوءلكه ده  حاققیندا بو صحبت قالسین

سون وئرك  گل بو شكایت لره  سندن مندن

درده دوءزمك  جاوان عاشیق لره عادت قالسین

وارسا شوبهه ن  سوءزومه  اوندا بویور آل گوءزلیم

اورگیم  قبرده  قدر سنده امانت قالسین

گل سلیمان او قیزیل گول  دوداغیندان اوءپسون

تورپاق آلتیندا دا  آغزیندا بو لذت قالسین

سلیمان رستم

عمر یاصددانه ده صرف اولدو یاپیمانه ده

باشماغیم مسجدده گئتدی  هوش باشیم میخانه ده

مسجد ومیخانه دن چونكی الیم چیخدی بوشا

گولدولر احوالیما صددانه ده پیمانه ده

قالدیم آواره ایكی یول آیریمیندا نیله ئیم

استخاره ایله دیم یول وئرمه دی صددانه ده

سانماكی ایندی منم آواره سرگردان قالان

خلق اولانلار جمله سرگرداندی بو ویرانه ده

دونیادا عاقل دگیل تنها حقیقت آختاران

دوز یولون آردینجا سرگردان گزیر دیوانه ده

قالدی آنجاقكی ئوكلرده حقیقت حسرتی

حققه جاهل سهلیدیر ال تاپمادی فرزانه ده

گلدی هاردان بیر ایشیلتی گئدیك استقبالینا

اود دوتوب دوندوق كوله من ده یازیق پروانه ده

اولمادی زولف ایچره آنجاق بیرمنیم كونلوم اسیر

خرمن زولف ایچره سرگردان دولاندی شانه ده

( نیله-مك سن یاناسان من یانماسام بیزیانماساق

كعبه ده دائیم قارانلیقدا قالار بتخانه ده )

یانماسین عاشق سخا  عشق آتشینده نیله سین؟

عشق ادودوندا قاولور بیر حالداكی جانانه ده

تبریز/حمیدسخامهر

گؤزلیم عاشیقینی سالما نظردن

حسرتیندن اؤلورم، گل بیزه هردن

سنه چوخدان وورولوب بو دلی كؤنلوم

نئیله ییم كی خبرین یوخدو خبردن

گل منه ناز ائله مه آی دلی جئیران

او قارا گؤزلرینه اولموشام حیران

بیر دؤنوب باخماق ایله جانیمی آلدین

منی مجنون ائله ییب چؤللره سالدین

من ایناندیم سنه، اؤز كؤنلومو وئردیم

منی آتدین گئدیب اغیار ایله قالدین

گل منه ناز ائله مه آی دلی جئیران

او قارا گؤزلرینه اولموشام حیران

سن گزیرسن گؤزلیم غیر ایله من سیز

یوخو گئتمز گؤزومه بیر گئجه سن سیز

اؤزون اینصاف ائله ای سئوگیلی دلبر

هانسی بولبول یاشایار باغ و چمن سیز؟

گل منه ناز ائله مه آی دلی جئیران

او قارا گؤزلرینه اولموشام حیران

علی آقا واحید

گوءردوم اوزونو  باغچادا لاله-م یادا دوشدو

امدیم لبینی بال كیمی آغزیم دادا دوشدو

بیر لاله یئتیشمیشدی بو ویرانه چمـــــنده

باداسدی  خزان ووردودا لاله-م بادا دوشدو

بیرغنچه یئتیردیم  بزه دیم نازینی چكدیم

آلدی فلك الدن اونو  یاریم یادا دوشـــــدو

بنداولدو كونول بیرگوله  سس توتدو ماحالی

گویاكی  بودونیـــادا قان اولدو قادا دوشـــدو

سوءز وئردی سوءزون توتمادی آندایچدی اونوتدو

بلكه دئیـــــرم یار اوسانیب عنادا دوشـــــــــدو؟!

بخت اونداكی  پایلاندی بیری چاتمادی پایه

دونیادا اوبدبخت-ده بیـــزیم بربادا دوشـــدو 

 جعفرجبارلی

تاكی، آخشام وقتی گؤردوم ائی بوتی-مهرو سنی،

گوندوزوم تا شام اولونجا ایسترم هر سو سنی.

تاكی، سن گئتدین منیم قارشیم دان، ائی سروی-روان،

دمبه-دم ایستر روان اولسون گؤزوم دن سو سنی.

گلدی یوز مین دورلو سئودایی-پریشان باشیما،

خاندا گؤردو گؤزلریم ائی توررئیی-هیندو سنی.

یارب، اول چؤهرن نه تازه وردی-اهمردیر سنین،

گول قیزارمیش خیجلتین دن لال ائدیب دیر سوسنی.

ائی ختائی، سن نه بولبولسن كی، باغی-رؤوزه ده،

گؤرممیش دیر باغیبان درگولشنی-مینو سنی.

شاه اسمائیل ختائی

 SAVALAN DAĞININ

TƏRİFİ

گذرین دوشسه در دلبره، ای باد صبا،
یئتیر عرضیم او گول احمره، ای باد صبا

گول جعفر كیمی رنگیم سارالیب فرقتدن،
دئ بو حالی او گول جعفره، ای بادی صبا

تلخكام اولدوغومو زهر غم هجریندن،
عرض حال ائت او لب شكّره، ای باد صبا

تابیدن سالدی كتان تك بو دل بیتابی،
نئیلمیشدیم او مه انوره، ای باد صبا؟

پیكریم پیكر جوزا كیمی، گؤر، اولدو دو نیم،
وئر خبر اول بت مه پیكره، ای باد صبا

بو قارا گون كی، منیم باشیما هجرینده گلیب،
حق نصیب ائیله مه سین كافره، ای باد صبا

لاله تك داغ دل سینۀ سوزانیمی گؤر،
وئر خبر سونبول و سوسن بره، ای باد صبا

بو محمد ائله دی سیّد بی عاری هلاك،
عرض قیل روضۀ پیغمبره، ای باد صبا

سیدعظیم شیروانی

باغلاریندا اوزوم وار،

گئتمه دایان سوزوم وار،

گوزلریندن قورخورام،

قاشلاریندا گوزوم وار.

عاشیقین هاراییندان،

 ائل یاتماز هاراییندان،

 گونده بیر كرپیچ دوشور،

 عومورومون ساراییندان .

دومانلی داغلار گویلوم،

 نیسكیللی باغلار گویلوم،

 نه آچیلار،نه گولر،

همیشه آغلار گویلوم.

من عاشیقام هر آیلار،

 هر اولدوزلار هر آیلار،

باشیم جلاد الینده ،

 دیلیم سنی هارایلار.

 من عاشیقام هر آیلار

 هر اولدوزلار ،هر آیلار

 بوردا بیر گول بیتیبدی،

 سوسوزوندان هارایلار.

بایاتیلار

آنامین آغ اوزون، گؤرماغیم گلدی
آنامین دیزینه باشیمی قویوب
دونیانین فیكرینی، آتماغیم گلدی
یئرین آلت قاتیندا انون یانیندا
هئچ اولمازسا بیرآن، یاتماغیم گلدی
او گئدن یوللارین ، ایین قوخلاییب
او اوچان یئرلره ، اوچماغیم گلدی
فیكریمه گلدیقجا آیریلیق گونو
بولود تك چاخنایب، یاغماغیم گلدی
او یاتان مزار دا انون یانیندا
حیاتدان آیریلیب اؤلماغیم گلدی

شـــــهریار