قیلدی عشق ای خون دل! كویوندا چۏخ رسوا منی،
بیر گئییم گئیدیر تانېماسېنلار هئچ اۏردا منی
هم نشینیم بسدی كویوندا اۏلوبدور ایت رقیب،
آهیم اۏدو، یا اۏنو اؤلدورمه لیدیر یا منی.
منزلیم چئوریلدی گۆلخن اۏلدو گۆل یۆزدن ایراق،
عاقبت توپراغا سالدېردې یامان سودا منی.
قتلیمه وعده وئریب، ائتمیر وفا بیر اۏ پری،
بو تغافل اؤلدۆرۆر بو گۆن و یا فردا منی
یار هر اۏباش اۆچۆن بیر شمع محفل اۏلدو، وای!
غیرت اۏدو یاندېرېر واللهی، سرتاپا منی!
غم گئجه سی شمع ده بی كس لیڲیندن آغلایېر،
كیمسه سیزلیك دردی اؤلدۆردۆ امان تنها منی.
عشق ذۏقون، ای فضولی! ترك ائتدیم من داها،
نه بو دنیانی من ائتدیم شاد، نده دنیا منی.
فضولی
