|
ئوزومدن تئز الهامیم قوجالسا ، آغلارام من كونلوم خوش آرزولاردان بوشالسا ، آغلارام من دوز یول سئچدی گنج لیگیم ، اوددان كئچدی گنج لیگیم ، شعـــــره كوچدو گنج لیگیم ، شعرلریمین ساچی آغارسا، آغلارام من بهارینا یاغیش ، قار یاغسا ، آغلارام من دار گونده آغلامادیم ، سینه لر داغلامادیم ، قارالار باغلامادیم ، الیمده بیر گون قلم آغلارسا، آغلارام من كونوللره یولومو باغلارسا، آغلارام من پوچدور وقارسیز حیات ، زحمت سیز، بارسیز حیات ، هئچدیر بهارسیز حیات ، نغمه لر بهاریمی ایتیرسم آغلارام من الهام آدلی واریمی ایتیرسم آغلارام من سلیمان رستم
|
