اوزوگومون قاشی فیروزه دن  دیر،

كونلوم آچیلماییر بو گون ندن دیر؟

یامان گونده دوست الیندن برك یاپیش،

دونیانین هوسی كئچیب گئدن دیر.

بیزیم باغلار، چؤللر خوش بیر تاماشا،

سونالار گؤللرده  گزرلر قوشا.

نئجه چتین اولسا عؤمرون یوللاری

بیرلیك ده، یورولماز  ووراریق باشا.

بولود گلر، چیسگین چیلر، چن ائیلر

یار یاریندان آیری دوشسه غم ائیلر.

سئوگیلیمدن نئجه قالیم آیری؟!

بیر باخیشلا قلبه یوز ملحم ائیلر.

رسول رضــا

آغ  یـئرینه  یــــازدی  قــــارا

خیــالینـدان   چـــكدی   دارا

مــرد اینســــانی  آیاقــــلارا

زامـان سـالدی،  زامــان ایـدی

دره  خلوت ـ  تولكو  به یدی

 نــئجـه  چـكیم  سـؤزه  پرده

مـنی ســـالدی یــــامان درده

گـــؤردوم   مــرد ایـیر نامرده

اوره یـیمه   گـوللـه  ده یــدی

دره خـلوت ـ  تولكو  به یدی

یازیق  (( خوشنام )) آلیش اودا

اورمــانلاردا   گــئتدی بــادا

شـعر  بــوغولور  دار  یـووادا

بــو قــالماقدان اؤلوم  یئیدی

دره خلوت ـ  تولكو  به یدی.

م. خوشنام

    

سیغماییر ایستـكلریم منطقلرین اركانینا

ایسته ییر  عنوان اولوم دیوانه لر دیوانینا

سن آچان گونــدن قاپانمیش یوللاری رؤیالره

مین دیلك ایلمك له نیر هردم كونول دامانینا

هانسی یوللاردان گلیرسن گؤیده اولدوزلار گولور

چن دوشور حسرت قباسیندان باخیش میـدانینا

سن دوننلر باغــچاسیندا اكدیگیم بیر آرزوسان

گئج بئجردین دوشمدی كؤلگن گؤروش ایوانینا

دامجی-دامجی قان دامیركن، قلبیمین پیمانه سی

دالـــغا-دالـــغا یوكســلیر میــدان وئریر طوفـانیـــــنا

قوی اؤره ك دریای عشق اولسون،بوتون وارلیق كیمی

قــــوی چئویرسین  دالغـــالار دونیـــانی قان عمــــانینا

سحرخانیم

Ey Xaqani, pis rəhbərdən ehtiyat et, qorx ondan!

Rəhbər əgər pis olarsa, yol duz olmaz hec zaman.

Bir nanəcib səndən otru iftixarla gorsə iş,

Sənin fəxrin ara donər, o iş verər min ziyan.

Nacins adam sənin yaxşı əməlini pis edər,

Sənin yaxşı sozlərinlə yaxşı olmaz o nadan

شله لرآلتیندا بوكولوب بئللر

ظلمت پنجه سینده سیخیلیب ائللر 

سازلاری توزباسیب قیریلیب تئللر

سازایندی نه چالسین ؟نه ساز اینجئیب

تپیلیب قولاغلار یومولوب گوزلر

بوش یئره سوورولوربوش یئره  سوزلر

او.كاردان. بوكوردان كیم امید گوزلر ؟

هارای سسله مكدن بوقاز اینجیئب 

آلنینی داغلایئر پینه باغلاسین

خلوتده اوینایئر اوزده آغلاسین

شرفین آیاقلیر بئقین یاغلاسین

بوآلاسققلدن ناماز اینجیئب 

نه الده توتوم وارنه دیزده دایاق

یوك باسیر بئلیندن تیتره یئر آیاق

بیر كیشی گورمورم قدیمكی سایاق

اوتایدان بوتایدان آراز اینجیئب   

بایئندیر نصبدن بونه نسیلدی

اومیدلر سیزیئدی اودا .كسیلدی

نرله ری باسدیلار لوك لر ازیلدی

كوپانسیز كوششكدن جاهاز اینجیئب 

بیرفقط شاعیئردی سوزونو یازیر

ائله بیل اینه ینن قویونو قازیر

گاه چاشیر یولوندان گاه ایتیر آزیر

نه قیشدا پایئزدا نه یاز اینجیئب

قان سوران . سورماقدان . بیرمگردویور

پام میقلاباش كسیر.  درینی سویور

دوزیولون بناسین ائیریدن قویور

ناتاراز الیندن تاراز اینجیئب  

هوشنگ جعفری

*/ علی سی دلی، ولی سی دلی، قیرغین قیرمیشین هامی سی دلی.

*/ اللی ایلین ائششیینه دییرمانین یولون اویره دیر.

*/ اللی یاشیندا دانا، ایندی دوشوب میدانا.

*/ اری دویموش آروادی ایت ده توتدو بیر یان دان.

*/ اریك آغاجین دان ساز اولماز، گل زورنا دان خبر آل.

*/ اریك باغین یوخدو كی، بیله سن سیغیرچین نئجه قوشدو.

*/ اصیل سیز سؤز صاحبینه اوز قاراسی گتیرر.

*/ اسكی دوشمان دوست اولماز، اسكی دوست دوشمان اولماز.

*/ اسكی سوپورگنی داما آتارلار.

*/ اتین یاخشی سین قصاب آخیرا ساخلار.

آتالارسؤزو

ایشیم، پئشم اود یا ندیرماق،

قریب آتش پرست اولدوم!

ایچدیم سودو، چكدیم بنگی،

عجایب شیری-مست اولدوم!

قوی الدن جامی-شرابی،

آت گئتسین چنگو روبابی،

تئز اول، چك شیشه كبابی،

من كی، مستی-الست اولدوم.

كئچدیم تامامی-عالمدن،

سولئیمان ایله ختا مدن،

گویا دئییلدیم آدم دن،

بیر حباب ایدیم، پست اولدوم.

مرهبا كمانا، شسته، بیر تیره،

دوققوز فلكلری تیكدیم بیر-بیره،

روستمی-دستانی ائتدیم بیر-بیره،

گؤر نئجه قریبه زبردست اولدوم.

شیكار ایستر ایكن، دامه دوشدوم من،

بیر سیاه مست اولوب جامه دوشدوم من،

نباتی، صوبح ایكن شامه دوشدوم من،

بیر افعی ایلانا پای بست اولدوم.

سیدابوالقاسم نباتی

سئوگیلیم، ائل بیلیر من اهلی-دردم،

سندن باشقاسینی سئوسم نامردم

غصه دن اؤلورم نئیلیم كی، هردم،

منی قویوب باخیر یانا گؤزلرین.

كیپریگین خنجردیر، قاشلارین كامان،

ییخدیغین عاجیزه وئرمزسن آمان.

دئدیلر جلّادسان، ائتمزدیم گومان،

سالاجاقدیر منی قانا گؤزلرین.

سنین الینده دیر  هر اختیاریم،

ظالیم،اؤلدور منی غمدن قورتاریم،پ

بس كیمه سؤیله ییم، كیمه یالواریم،

گتیریب دیر منی جانا گؤزلرین.

كؤنلومو سالاجاق زولفون كمنده،

حسرتین قویماییب جان قالسین منده،

او گؤزلر وار ایكن نه قدر سنده،

آلاجاق كؤنلومو سونا گؤزلرین.

واحیدم ،سئوگیلیم، منده قانیرام،

فتنه كار گؤزلی اوزدن تانیرام،

نئجه دئییم سنه، غمدن یانیرام،

منیم تك اود توتوب یانا گؤزلرین

علی آقا واحید

چكدیگیم آغریلار بیر یانا دورسون،

اینصافی،موروِّتی سن آتمادینمی؟

من سنه یار دئسم دیلیم قوروسون،

یاری،محبتّی سن ساتمادینمی؟

قیردین قانادیمی،قیردین قؤلومو،

ایتیردیم كعبه می، آزدیم یولومو.

ترلان خیالیمی، لاچین كؤنلومو

آلدادیب-آلدادیب  اویناتمادینمی؟

وورغونون آهلاری یوكسه لیر  گؤیه،

سورمادین بو سیرری، سورمادین نیه؟

دونیادا بیر شهرت، بیر آلتون دیه

شاهمارین قوینوندا سن یاتمادینمی؟

صمدوورغون

بیر بیلن یوخ كی، نه چكر سن سیز،

سنین عشقینله یاشایان كؤنلوم ؟!

سن كئچن یولدا گؤررك بیر ایز،

ایزین اوستونده اوزانا دؤندوم!

چكدیگیم دردی سازا آنلاتدیم،

دردلی بارماقلا تئلی آغلاتدیم!

" بیزه گل! " دئدین، بیر آددیم آتدیم،

بیر آددیم یولدا مین جنَت گؤردوم!

بولاق اوستونده ییغیشیر قیزلار،

گئجیكسن بیر آز، اورگیم سیزلار!

سوروشدوم، بولاق دئدی: منده وار!

سودا عكسینی آختاریب تاپدیم!

احمد جواد