سئوگیلیم، ائل بیلیر من اهلی-دردم،

سندن باشقاسینی سئوسم نامردم

غصه دن اؤلورم نئیلیم كی، هردم،

منی قویوب باخیر یانا گؤزلرین.

كیپریگین خنجردیر، قاشلارین كامان،

ییخدیغین عاجیزه وئرمزسن آمان.

دئدیلر جلّادسان، ائتمزدیم گومان،

سالاجاقدیر منی قانا گؤزلرین.

سنین الینده دیر  هر اختیاریم،

ظالیم،اؤلدور منی غمدن قورتاریم،پ

بس كیمه سؤیله ییم، كیمه یالواریم،

گتیریب دیر منی جانا گؤزلرین.

كؤنلومو سالاجاق زولفون كمنده،

حسرتین قویماییب جان قالسین منده،

او گؤزلر وار ایكن نه قدر سنده،

آلاجاق كؤنلومو سونا گؤزلرین.

واحیدم ،سئوگیلیم، منده قانیرام،

فتنه كار گؤزلی اوزدن تانیرام،

نئجه دئییم سنه، غمدن یانیرام،

منیم تك اود توتوب یانا گؤزلرین

علی آقا واحید

چكدیگیم آغریلار بیر یانا دورسون،

اینصافی،موروِّتی سن آتمادینمی؟

من سنه یار دئسم دیلیم قوروسون،

یاری،محبتّی سن ساتمادینمی؟

قیردین قانادیمی،قیردین قؤلومو،

ایتیردیم كعبه می، آزدیم یولومو.

ترلان خیالیمی، لاچین كؤنلومو

آلدادیب-آلدادیب  اویناتمادینمی؟

وورغونون آهلاری یوكسه لیر  گؤیه،

سورمادین بو سیرری، سورمادین نیه؟

دونیادا بیر شهرت، بیر آلتون دیه

شاهمارین قوینوندا سن یاتمادینمی؟

صمدوورغون

بیر بیلن یوخ كی، نه چكر سن سیز،

سنین عشقینله یاشایان كؤنلوم ؟!

سن كئچن یولدا گؤررك بیر ایز،

ایزین اوستونده اوزانا دؤندوم!

چكدیگیم دردی سازا آنلاتدیم،

دردلی بارماقلا تئلی آغلاتدیم!

" بیزه گل! " دئدین، بیر آددیم آتدیم،

بیر آددیم یولدا مین جنَت گؤردوم!

بولاق اوستونده ییغیشیر قیزلار،

گئجیكسن بیر آز، اورگیم سیزلار!

سوروشدوم، بولاق دئدی: منده وار!

سودا عكسینی آختاریب تاپدیم!

احمد جواد

سوزگون باخیشلار آلدی الیمدن توانیمی

كیپریك اوخ اولدو، دگدی دیله تؤكدو قانیمی

سنسیز یاناردی عشق اودونا قان اولان كؤنول

سالدین بلای هجره اوجالتدین فغانیمی

ای كاش او ناز و غمزه سی جانیم آلان گؤزون

بیر گون بیلیدی دیلده كی سوز نهانیمی

آزاده شاعرم دئییلم باغلی بیر یئره

من اؤز دیلیمله خلقه یئتیررم بیانیمی

كسگین قلم له فكرین اگر اولسا سازشی

قویماز زمانه محو ائده نام و نشانیمی

من بیر گول همیشه بهارم بو عصرده

یاز گؤرموشم عؤمور بویو فصل خزانیمی

عشقین متاع محنتی جان نقدینه ساتیر

نفعی ضرر حساب ائله باغلا دكانیمی

عاشق قوجالسا سئوگیسی گؤزدن سالار اونو

یا رب قوجالتما " بارز " شیرین زبانیمی.

استاد بارز

بیر من ایدیم، بیر سن ایدین، بیرده یاماجلار...  .

مئشه یولو، یارپاق دولو یاشیل آغاجلار،

اونداكی ، آغ اؤزوموزلار تؤكولدو  ساچلار،

اسدی یارپاق، جوشدو ایرماق، گوللر اویاندی،

اورگیمده كامان كیمی تئللر اویاندی .

بیر بیز ایدیك، بیر دوز ایدی، بیرده آل بویا...

داغ باشیندا اوچان قوشلار ائندیلر چایا.

سن دئدین كی:  " بوتون دونیا قوی دؤنسون تویا ! "

چالدی قاوال ، اوزاق كندده  ائللر اویاندی،

اورگیمده كامان كیمی تئللر اویاندی .

جعفرجبارلی

وطـــــن

^{آواره او اوغلاندیكی جانانه سی یوخــدور}

^{بیچاره ده اول قیزدیكی دیوانه سی یوخدور}

^{قیز ائوده گوزو یولدا قالیب ائلچینی گوزلور}

^{اوغلانداكی ائولنمه گه كاشانه سی یوخدور}

^{یاندیقجا توكور گوزیاشینی صبحه كیمی شمع}

^{دورونده طــواف اتمه گه پروانه سی یوخـدور}

^{اوغلان گوروسن قیرخا چاتیب سنّی سوبایدیر}

^{سن پوللی نشان وئركی حرمخانه سی یوخدور}

^{شاعیــــركی دئیر نعره مســــــتانه چكن یوخ}

^{ویران اولا بو شـــهری كی میخانه سی یوخدور}

^{بیلمیر كی آدام كفله نیری ایچمه میش ایندی}

^{از بســـكی اویوب نعره-ئی مستانه سی یوخدور}

^{ایله ایتیریبدیر اوزونو خلق تاپانمیـــــر}

^{بنزیر پوزولان زولفــــولره شانه ســــــی یوخدور}

^{آنجاق نه دییم عشقه ده حسرت قالیب انسان}

^{بیر قوش كیمی كی دنله مه گه دانه سی یوخدور}

^{آختارما سخا بوردا صفا ، چونكی بو شهرین}

^{مین مســــجدی وار بیر دانا میخانه سی یوخدور}

حمیدسخامهر

قفس ده، قانادی سینمیش بیر قوشام

وارلیـــغیم داغ-داشا ،چؤله باغلی دیر

یاشـــــارام گله جك  باهار عشـــقینه

حیــــــاتیم چمنه، گــــوله باغلی دیر

قفسـده اولسام دا  كسیلمز سسیم

سؤنمز بوقفسده، عشقیم، هوه سیم

اؤلنــده دئیه جك بو ســــون نفسیم:

اؤره ییــم  بیر شیرین دیله باغلی دیر

قورتولوش آتشــــی قلبیـــــمده یانیر

ییخیلماز هركس كی، ائله باغلی دیر

شیـــدایام ، ائلیمه ، وطنه وورغــون

بولبــــول تك باهارا، چمنه وورغـــون

گؤللره، گوللره ، گولشــنه وورغــون

اؤره ییم  سازكیمی ، تئله باغلی دیر

استاد یحیی شیدا

زلالی مخلوط با شكر و هنر

در تـنگنـای ایـن قـفس

باغریــم دؤنوبـدور قـانـه یـوخدور همنفس

عمرم بـه حسرت شد تـلف ، در ایـن دیــار بیـكسی

صبر ائیلیرم تا كی یئتیشسین سون نفس

گــر تنگ باشد این نفس

عمری شدم چشم انتظار

دوشدوم نفسدن گلمه دی نازلی نیگار

عهـدی ببستم در خفـا ، كــه، هرگــز آنــرا نشكنم

امّـا تؤكنمیش طـاقتیـم گئتـدی بـهــار

من مانـدم و دل، بی قرار.

سالك تبریزی

 آباد  اوی   ویران   ائیــلدی  گئتدی  او  جانان

جانان  كی گئدیب كونلوم اوی قوی قالا ویران

او   آیریلالی    نازیله    آلـدی    منی   مندن

ائتدی  منی   درویشی  بو   ویرانده  سلطان

كونلوم   نَقَدر   وصلیــنه   چیرپیندی  او  یارین 

او وصله قووشدی منی گور نئیله دی هیجران

هیجران اوتونی سالدی وجودیمدكی شمــــعه

پروانه سی  یوخ  عشقیده  یاندیم  منی نادان

آند ایچمیشیدیخ سیریمیزی بولمسین اغیـــار

اغیاریله   پایلاشدی   اوزون  سوگیلی  جانان

قان ایچره بوراخدی  منی  دردیمله  طبیبیم

درمان  دیله دیم  ائیله دی  اوز  قانیما  غلطان

بیر گون   منیـــلنده   باریشار   طالعیم   اَلبت  

واردی   یقینیم    دائما   گئچمز   بئله   دوران

قوی ناز ائیلسین   هر  نَقَدر  ائتسه  طبیــــبیم 

من  درده  آلیشــدیم  منه   لازیم  دئیل  درمان

( سالك ) گیلی ائتــمه بیزه عالمده زاوال یوخ

درد  چكسه  ده  شاعر    بوقَدر  ائیلمز  افغان

         یاریم   بو   قَدر   جــور   و   جفا    ائیلدی  اما         

جان  ایستئسه  مندن  ائدرم  جانیمی قوربان

سالك تبریزی