شاه داغیم ،

چال پاپاغیم ،

ائل دایاغیم ،

شانلی سهندیم

باشی طوفانلی سهندیم

باشدا حیدر بابا تك قارلا قیروولا قاریشیب سان

سون ایپك تئللی بولودلارلا افقده ساریشیب سان

ساواشاركن باریشیب سان

گویدن الهام آلالی سرری سماواته دئیه رسن

هله آغ كوركی بورون ، یازدا یاشیل دون دا گئیه رسن

قورادان حالوا یئیه رسن

دوشلرونده صونالار سینه سی تك شوخ ممه لرده

نه شیرین چشمه لرین وار

اویاشیل تئللری ، یئل هورمه ده آینالی سحرده

عشوه لی ائشمه لرین وار

قوی یاغیش یاغسادا یا غسین

سئل اولوب آخسادا آخسین

یانلاروندا دره لر وار

یوخسا یاناسان شعله آهی سحریمدن

نور داملاسی قان تك داماجاق هر داماریمدان

بیركولگه كیمی كئچسه خیالین نظریمدن

كس باشیمی آل جانیمی توك قانیمی قورتار

باش گئتسه گوروم قورتارارام  درد سریمدن؟!

جانیم جیگریم یاندی كباب اولدی او گونكی

دوشدوم اوزاق عشوه ساتان   جان " جیگریمدن

سوسپمه دی بیركس بویانان اودلارا  ایوای!

غرق اولدی امل زورقی اشك بصریمدن

آچسام گیلئین بوقچاسینی  عالمی چولقار

سن شرح مفصل اوخی بو مختصریمدن

بوندان سورا  اوچماق منه  رویا لره اوخشار

صیاد قضا ائیله كی اوخ ووردی پریمدن

علم وهنریم وزر و وبال اولسا قوی اولسون

شاید گوتوره بهره ائلیم  بو هنریمدن

یازدیم چوخ اثر عومرو بو  سوداده توكتدیم

تا خلقیمه تاثیر یارانسین اثریمدن

 یحیی شیدا

بیر عومری سنین عشقینه قوربان ائلدیم من

آسوده طیفلیدیم نه غمیم واریدی نه دردیم

دردیمله سنین گوزلرینی سورمه لدیم من

حیس-سیم منه گل گل ددی عقلیم ددی گئت گئت

بوقانلی دویوشده منه ایمداد ائلدیم من

عشقیمده قاتیب جور منیم باشیما هرگون

بیر عشقین اوجوندان نه-قده-ر طعنه ائدیم من

ئوز حیس-سینی دوستاق ایلیه ن بختیار اولـماز

ئوز عشقیمه ئوز كونلومی زیندان ائلدیم من

بختیار

مومكون اولدوقجا چالیش یانمایاسان عشق اؤدونا         
شمع ‌دن گورنه چكیر هر گئجه پروانه، كونول      

سن هله عشق كمندینده اسیر اولمامیسان
اویما مجنون كیمی هرزولفی پریشانه كونول

گولده اولسایدی وفا، خاریله یار اولمازیدی
بولبولون آهی یاییلمازدی گولوستانه، كونول

آشینا اولماق عبث دیر بو پری چوهره‌ لره
یئنه بیرگون اولاجاق‌لار سنه بیگانه، كونول

سئودیین اؤلسا زولیخای زامان، سن یوسیف           
فكرائدیب سالدیراجاق‌دیرسنی زیندانه، كونول

واحید ین عومرو بوتون نازلی گوزل ‌لرله گئچیب
بو حقیقت سوزو ظن ائیله‌ مه افسانه، كونول

علی آقاواحید

هجرینده اوغولسوز آنالار تك مه له دیم من

قوربان ائله دیم جانیمی " هربیر قدمینده

یوللار بویو حسرت گوزومو سورمه له دیم من

گول تك اوزونه قونمایا یول لار توزو  دائم

گوز یاشیمی نئیسان یاغیشی تك اله دیم من

بیرآی كیمی سئونمز ایشیق آلدیم ائوز ائلیمدن

آفاقه صفا بخش ائله دیم " نور چیله دیم من

شاهدسن ائوزون بو سئوزه ای شانلی دیاریم

هرخدمت الیمدن كی گلیرمیش ائله دیم من

سئوز مشتریمی تاپمادیم افسوس بو زماندا

یازدیقلاریمی بوقچایا بوكدوم بله دیم من

گرقافیه بوعرصه ده تنگ اولسا " قوی اولسون

ائوز فیكریمی بو شعریده آیدین سئوله دیم من

شیدا یه دئدیم دایره عشقیده گزمه

رسوای جهان اولدو نه یئرسیز له له دیم من؟

 یحیی شیدا

باشقا بیر سحیر وار بو سسده دیلده

خیال جانا گلیر كونول اوخویور

ایله بیر سازاقلی بیر قیش گونونده

بوزو دلیب دشن ترگول اوخویور                   كونول اوخویور

سوینیر بو مجلیس محبت گولور

نور ساچان چراغلا سعادت گولور

بیر پوهره بوداغلا طبیعت گولور

عاشیق فراقیندا بولبول اوخویور                  كونول اوخویور

جاهیل یوخوسوندان آییلا بیلر

عاریف باشا دوشور  اوقانابیلر

آدامین اوره یی دایانا بیلر

بیرجه سببی وار كونول اوخویور                 كونول اوخویور

پونهان معلیم

بو سینیق كونلومی عالمده دفی شاد ایله سین

ایله سین گول یاناغیندان منه بیر بوسه عطا

وارلینین بورجی بودور یوقسوللارا  ایمداد ایله سین

دائیمی زولفونده اسیرم نچه مدت دیر اونون

یا منیم جانیمی آلسین یادا آزاد ایله سین

جانسیزام عابده  بیردم منه ورسین دیریلیم

یا منیم جانیمی آلسین یادا آزاد ایله سین

ماییلا سن كیمی چوخلار هوس ایلر غزله

هركسین كاری دئیر كی غزل ایجاد ایله سین

 مائیل

عشقیــده ن محــروم اولان،انسـانلیغــا بیگــانه ‌دیر

سئـوگی دیـر،یالنیــز محببت‌دیر حیــاتین جـوهــری

بیر كونـول كی عشق ذوقین دویماسا،غمخــانه‌ دیر

من اسیــر عشقییــم،اوز خـالقیمین،اوز یـوردومــــون

سئــومــه یـن اوز خالقی‌نی،اوز یـوردونــو دیوانـه دیــر

قوی وطن داییم ایشیقلانسین،گوزل بیر شمع تك

كونلوم  اول شمعین ضییاسین سیر ائدن پروانه‌دیر

نـازنیــن  رعنـــــا گـوزل ‌لــردیــر،بـاخیـرسـان هـر یـانــا

بس بو تورپــاق اینــدی بیر جننت دگیــل،آیـا نـه ‌دیـر؟؟

اولكـه میـزده گور نلــر وار،باشقــا بیر عالـم ده ‌ییك

هـر چیچك بیـر نـازنیــن  هر غنچـه بیــر جـانـانـه ‌دیــر

واحیـــد م   من،سئوگیلیم،من‌ دن خیانت گورمه ‌سن

شاعیــرم،عشقیم ده اوز قلبیـم كیمی مـردانــه‌ دیــر

علی آقاواحید

 سانكی خوروزون سون بانی خنجردی سوخولدی
سینه مده اورك وارسا كسیب قیردی داماری
ریشخند له قیر جاندی سحر سویله دی دورما
جان قورخوسی وار عشقین اتوزدون بو قماری
اولدوم قره گون آیریلالی اوساری تئلدن
بو نجا قره گونلردی ایدن رنگیمی ساری
گوز یا شلاری هر یئردن آخارسا منی توشلار
دریا یه باخار بللی دی چایلارین آخاری
از بس منی یاپراق كیمی هجرانلار سارالدیب
باخسان اوزونه سانكی قیزیل گولدی قیزاری
محراب شفقده ئوزومی سجده ده گوردوم
قان ایچره غمیم یوخ اوزوم اولسون سنه ساری
عشق واریدی شهریارین گللی چیچكلی
افسوس قارا یل اسدی خزان اولدی بهاری

شهـــــــریار

ایللریم ناحاقدان اوتدو سنینله
دئمیرم عومور- گون بیتدی سنینله
گئتدین، نغمه لریم گئتدی سنینله
ایندی غملی اوتن تئله قاییتما

سن گلدین عومرومه دومان، چن كیمی
یاشارسان ساچیما دوشن دن كیمی
باری بوندان بئله یاشا من كیمی
قوخلاییب آتدیغین گوله قاییتما 

 نصرت كسمنلی