|
اویما هر زولفی قارا، سئوگیلی جانانه، كونول
بو وفاسیزلار ائدرلر سنی دیوانه، كونول
مومكون اولدوقجا چالیش یانمایاسان عشق اؤدونا
شمع دن گورنه چكیر هر گئجه پروانه، كونول
سن هله عشق كمندینده اسیر اولمامیسان
اویما مجنون كیمی هرزولفی پریشانه كونول
گولده اولسایدی وفا، خاریله یار اولمازیدی
بولبولون آهی یاییلمازدی گولوستانه، كونول
آشینا اولماق عبث دیر بو پری چوهره لره
یئنه بیرگون اولاجاق‌لار سنه بیگانه، كونول
سئودیین اؤلسا زولیخای زامان، سن یوسیف
فكرائدیب سالدیراجاق‌دیرسنی زیندانه، كونول
واحید ین عومرو بوتون نازلی گوزل لرله گئچیب
بو حقیقت سوزو ظن ائیله مه افسانه، كونول
علی آقاواحید
|
