حیدربابا ، ایلدیریملار شاخاندا
سئللر ، سولار ، شاققیلدییوب آخاندا
قیزلار اوْنا صف باغلییوب باخاندا
سلام اولسون شوْكتوْزه ، ائلوْزه !
منیم دا بیر آدیم گلسین دیلوْزه

حیدربابا ، كهلیكلروْن اوچاندا
كوْل دیبینَّن دوْشان قالخوب ، قاچاندا
باخچالارون چیچكلنوْب ، آچاندا
بیزدن ده بیر موْمكوْن اوْلسا یاد ائله
آچیلمیان اوْركلرى شاد ائله

بایرام یئلى چارداخلارى ییخاندا
نوْروز گوْلى ، قارچیچكى ، چیخاندا
آغ بولوتلار كؤینكلرین سیخاندا
بیزدن ده بیر یاد ائلییه ن ساغ اوْلسون
دردلریمیز قوْى دیّكلسین ، داغ اوْلسون

حیدربابا ، گوْن دالووى داغلاسین !
اوْزوْن گوْلسوْن ، بولاخلارون آغلاسین !
اوشاخلارون بیر دسته گوْل باغلاسین !
یئل گلنده ، وئر گتیرسین بویانا
بلكه منیم یاتمیش بختیم اوْیانا

حیدربابا ،‌ سنوْن اوْزوْن آغ اوْلسون !
دؤرت بیر یانون بولاغ اوْلسون باغ اوْلسون !
بیزدن سوْرا سنوْن باشون ساغ اوْلسون !
دوْنیا قضوْ-قدر ، اؤلوْم-ایتیمدى
دوْنیا بوْیى اوْغولسوزدى ، یئتیمدى

حیدربابا ، یوْلوم سنَّن كج اوْلدى
عؤمروْم كئچدى ، گلممه دیم ، گئج اوْلدى
هئچ بیلمه دیم گؤزللروْن نئج اوْلدى
بیلمزیدیم دؤنگه لر وار ،‌ دؤنوْم وار
ایتگین لیك وار ، آیریلیق وار ، اوْلوْم وار

زحمت چكنین زحمتی بیر قیمته محتاج

سندن حركت  ناتریدان آنجاق بركتدیر

هرغالب اولان عشقله بیر زحمته محتاج

دونیا آلیر ائوز نورونو دائم اولولاردان

هرخالق وجمعیت اولو شخصیته محتاج

آزاد یاشاماق  حر یاشاماق  اینسانین حاقی

اینسان اولان اكمك قدر حریته محتاج

بختیار وهابزاده

آللاها بیر یول گئدیر.

او یولا بیگانه لر

اوزونه بیگانه دیر.

اوزونو آشماق اوچون

حاق قا  اولاشماق اوچون

گره ك اونجه آشاسان

نفس آدلی داغلاری:

شریعت - بیر آغاجسا

طریقت - بوداقلاری

معرفت - یارپاقلاری

حقیقت - میوه سیدیر.

تصوف - حاق سسیدیر

بختیار وهابزاده  

گئنه حسرت قاناتین آچدی منه درد وفـــــــراق

تا كی ظلمـــــتده قالان گونلری حسرتده یازاق

خاطریمدن گئچر اوخاطره لر شــــام و سحــــر

هئچ بیلیرسن نه گلیر باشیما سنسیز گئجـــــــه لر ...!!؟

سن زولفینی آچ توك اوزونه ، شانه سـی مندن                               

                                زنجیری نشان وئر منـه ، دیـــــوانه سی منـدن

سن عاشقی یاندیرماقـا ، من یانماقـــا مایــیل                               

                                سن شمعینی گوستر منه ، پروانه سی مندن

زلفـون قـدری عاشــق اولان وار سنــه ای گـول                               

                               سن سویله او مجنونلاری  افسـانه سی مندن

سرمست گوزون فتنه، لبیــن نشئـــه لـی باده                               

                                ایچدیــر منــه اول بـادنــی پیــــمانه سی منـدن

سن ناز ایلـه گول كی صدفین قــیمتی آرتسین                               

                                كوزیاشی كیمی، اینجیسی دردانه سی مندن

هردم گـؤتـور اوزدن گوزه لیــم، افعـی لی زلفین                               

                                چك ظاهـره گنجینــه نی، ویـــرانه ســی منـدن

واحـیـد می ای تـــرك ائتـمك اوچــون پیــرمغانیـن                               

                                رنجیــده اولــوب بیرنئچـه مســـتانه سی مندن

علی آقاواحید

 ایله حس ایلدیم دوران یاتبدی

 گوردوم اینسانلاری سسیز صداسیز

 بیلدیم دن قورتاریب درمان یاتبدی 

 زیارت ایلدیم آخیر اویمیزی 

ایله ئیب دونیانی ویران یاتبدی 

باخدیم بیر قببره اورگیم یاندی 

 دونیانی ترك ادیب بیر آز زماندی

 یار وصلین گورممیش جاوان یاتبدی 

حیرصدن دیشلریم بیر بیرین یدی

 گوزوم گاه آغلادی گاه گولومسه دی 

داشین اوستونده كی یازیلار دئدی

  شاعیر آستا یری اینسان یاتبدی 

  هر ندن چتیندی اولاد فراقی 

 آناسیندان اوزاق گیریان یاتبدی 

 دونیا سلیمانلار چكمیش كامینا 

یولچی طعنه وورور شاه مقامنا

  آغادان یوخاری چوبان یاتبدی

 یولداش یولداشیناخیانت اتمز 

یوخسوللوق بیر كسی خجالت اتمز

توپراق ایچینده هامی یكسان یاتبدی 

  گلدیگیم ندندی گتدیگیم ندن 

قارانلیق مكاندا عوریان یاتیبدی

 قارداشین تانمیر اوردا خان باجی 

 اداسیز عشوه سیز جیران یاتبدی

 گلیب گتمگینه حیران یاتبدی 

من دونیادان كئوچ ایله ئیب گدن ده

ناله چكر اوقایالار اوداشلار

بودونیادان كئوچمه گیمی بیلنده

غریب سیه ر  نچه دوسلار  سیرداشلار

من دونیادان كئوچ ایله ئیب گدن ده

بولاغلاردا سیزیم سیزیم سیزیلدار

بودونیادان كئوچمه گیمی بیلنده

گوز یاشینی لیسان ایلر بولوتلار

من دونیادان كئوچ ایله ئیب گدن ده

قیزیل گولده شاخه له نیب آچانماز

بودونیادان كئوچمه گیمی بیلنده

قره نفیل ده ائوز عطرینی ساچانماز

من دونیادان كئوچ ایله ئیب گدن ده

یازیلاجاق نچه شعر " غزل لر

بودونیادان كئوچمه گیمی بیلنده

سینه سی داغلی قالار نازلی گوزل لر

من دونیادان كئوچ ایله ئیب گدن ده

نچه یئتیم " نچه یوخسول آز اولار

بودونیادان كئوچمه گیمی بیلنده

قارداش دئیب " ساچین یولار باجیلار

من دونیادان كئوچ ایله ئیب گدن ده

ایلمك لرین دویون سالار حانالار

بودونیادان كئوچمه گیمی بیلنده

اوغول دئیب هاری سالار آنالار

قویما گیلن بیر گول تكی سولوخوم

شاختا وورسون   آیازوورسون چاریخیم

قویما منی او دونیاده داریخیم

سنده كئوچ گل" عیواض كوچوب گدن ده

نئجه كونلوم كی یانیر حسرت جانان اودونا

قلبیم ای گول گئجه گوندوز آلیشیر عشقینده

نه اولار سنده اونون بیرجه دفعه یان اودونا

بیرجه جان سالیقی دیر ملك دونیایه دیه ر

جهد ایله دوشـمیه سن شهرتیله شان اودونا

هرجوره فتنه فساددان چالیشیب آیری دولان

دهریده یانـمیاسان سن شر شیطان اودونا

تورپاق اولوب سللرینله سوكولسم

سئل سئل اولوب دریالارا توكولسم

دویماز گوزوم دویماز گئنه بو ائلدن

قایا كیمی شیمشك لره دوزوم می

شیمشك اولسام آز عوموردن بئزیم می

عومور كچیب " كچیب ایسه دیزیمی