عشقیــده ن محــروم اولان،انسـانلیغــا بیگــانه ‌دیر

سئـوگی دیـر،یالنیــز محببت‌دیر حیــاتین جـوهــری

بیر كونـول كی عشق ذوقین دویماسا،غمخــانه‌ دیر

من اسیــر عشقییــم،اوز خـالقیمین،اوز یـوردومــــون

سئــومــه یـن اوز خالقی‌نی،اوز یـوردونــو دیوانـه دیــر

قوی وطن داییم ایشیقلانسین،گوزل بیر شمع تك

كونلوم  اول شمعین ضییاسین سیر ائدن پروانه‌دیر

نـازنیــن  رعنـــــا گـوزل ‌لــردیــر،بـاخیـرسـان هـر یـانــا

بس بو تورپــاق اینــدی بیر جننت دگیــل،آیـا نـه ‌دیـر؟؟

اولكـه میـزده گور نلــر وار،باشقــا بیر عالـم ده ‌ییك

هـر چیچك بیـر نـازنیــن  هر غنچـه بیــر جـانـانـه ‌دیــر

واحیـــد م   من،سئوگیلیم،من‌ دن خیانت گورمه ‌سن

شاعیــرم،عشقیم ده اوز قلبیـم كیمی مـردانــه‌ دیــر

علی آقاواحید

 سانكی خوروزون سون بانی خنجردی سوخولدی
سینه مده اورك وارسا كسیب قیردی داماری
ریشخند له قیر جاندی سحر سویله دی دورما
جان قورخوسی وار عشقین اتوزدون بو قماری
اولدوم قره گون آیریلالی اوساری تئلدن
بو نجا قره گونلردی ایدن رنگیمی ساری
گوز یا شلاری هر یئردن آخارسا منی توشلار
دریا یه باخار بللی دی چایلارین آخاری
از بس منی یاپراق كیمی هجرانلار سارالدیب
باخسان اوزونه سانكی قیزیل گولدی قیزاری
محراب شفقده ئوزومی سجده ده گوردوم
قان ایچره غمیم یوخ اوزوم اولسون سنه ساری
عشق واریدی شهریارین گللی چیچكلی
افسوس قارا یل اسدی خزان اولدی بهاری

شهـــــــریار

ایللریم ناحاقدان اوتدو سنینله
دئمیرم عومور- گون بیتدی سنینله
گئتدین، نغمه لریم گئتدی سنینله
ایندی غملی اوتن تئله قاییتما

سن گلدین عومرومه دومان، چن كیمی
یاشارسان ساچیما دوشن دن كیمی
باری بوندان بئله یاشا من كیمی
قوخلاییب آتدیغین گوله قاییتما 

 نصرت كسمنلی

اریدیب كؤنلونو گؤزدن تؤكن، ای چشمو غزال،
متصل دیدۀ عاشق كیمی گریان اولاسان

ای لب لعل، دوداغیم كیمی قانین قاچسین،
قانه دؤنموش جگریم تك دؤنه سن قان اولاسان

دوشه سن آتشه، ای خال، اولاسان خاكستر،
مجمر سینه ده باغریم كیمی بریان اولاسان

ای سر كوی، گؤروم ذوق و صفاسیز قالاسان،
جولشن نزهت ایكن كلبۀ احزان اولاسان

منزل اولدی منه دوزخ، گؤروم ای گولشن حوسن،
سرسر حادثۀ-ئی دهر ایله ویران اولاسان

ای قد و قامت موزون، اییلیب اینجه له سن،
آتش عشقده جسمیم كیمی سوزان اولاسان

ای دیل ساده، بو سوداده سنیندیر تقصیر،
یاناسان، اودلاناسان، خاك ایله یكسان اولاسان

اود توتوب جانیم سراسر یاندی، اما بیلمدیم
دیل ندیر، دیلبر ندیر، باشیمدا بو سئودا ندیر؟

بیلمدیم عمرومده هئچ بیر كفرو ایمان هانسی دیر،
احمد محمود كیمدیر، موسی و عیسی ندیر؟

شاهباز اؤوج وحدت، واحد و حی و قدیم،
خالیق ارض و سما اول فرد و بی همتا ندیر؟

صدر ائیوان جلالت، شمع بزم كاینات،
آفتاب ارش عزت “لافتا ایللا” ندیر!

طورحاتی قوی كناره، رقصه گل دیوانه وار،
گل، خرابات ایچره گؤر بو شوریش و غوغا ندیر!

دوركی صافی گؤزله مك واختی دئییل، ساقی، آمان!
شیشه وئر، پئیمانه وئر، ساغر ندیر، صهبا ندیر!

دور، گؤزون قوربانییام، مستانه گل، ریندانه وئر،
چوخ دئمه جمشیددن، اسگندر و دارا ندیر!

لؤوحش لله، كیمدی بیلمم، عشق دیوانین یازان،
عاشیق و معشوق كیم دیر، وامیق و عذرا ندیر!

شاهید خلوت نیشینیم ائتدی روخسارین عیان،
عاشیق دیوانه، گل گؤر ظاهر و ایخفا ندیر!

یئتدی عمرون آخیره، سن بیر، نباتی ، بیلمدین،
كیمدی بو گؤزدن باخان، یا دیلده بو گویا ندیر؟

سیدابوالقاسم نباتی

جاوانلیقدا   اللر اوزون  دیللر قیسا

قوجالیقدا   دیللر اوزون  اللر قیسا

جاوانلیقدا   گونلر قیسا   ایللر اوزون

قوجالیقدا    گونلر اوزون  ایللر قیسا

بختیار وهابزاده

عادت بئله‌دیر عشق ائوی بیگانه‌سیز اولماز!

طعن ائیله‌مه، زولفوندن اوُزاقلاشـماسا كونلوم

بیر یئرده كی زنـجیر اولا، دیوانه‌سیز اولماز!

غمدن یانیرام، رویونی گوستـرمه رقیبه

بیر شـمع كی، شوق آرتیرا، پروانه سیز اولماز!

مـخمور گوزون قویمادی بیر كونلومی راحت

بیردم بو ستم خانه‌سی مستانه‌سیز اولماز!

سن شوقِ لبِ یارایله ایچ، باده ایچئنده

كیمدیر دییه، مئی مـجلیسی پیمانه‌سیز اولماز!

بیر دیلبـرین عشقینده بوتون دیللره دوشدوم

هنگامه‌دیر، عشق عالـمی، افسانه‌سیز اولماز!

واحید مئی ایچیر گیزلی، دئییرلردی ائشیتدیم

او رندِ خراباتی دیر، میخانه‌سیز اولماز!

علی آقاواحید

دوشدون خیال دانۀ خال اشتیاقینه،
ای مرغ رفع، تیزپر اول، دانه بیلمه سین !

ای یار، جان فدای قدوم مباركین،
آهسته قیل خرام كی، همخانه بیلمه سین !

غیرت هلاك ائده ر منی، آچما جمالینی،
گؤسترمه شمعه رویینی، پروانه بیلمه سین !

بیر لحظه بزم یارده دلشادم، ای كؤنول،
آرام دوت، بو مطلبی بیگانه بیلمه سین !

ای آه سرد، اورما نفس زلف یاره سن،
بیر دم قرار دوت، دل دیوانه بیلمه سین !

زاهید ائدیرسه عشقده تكفیر صــابری،
ظاهیر گؤزیله كعبه نی بتخانه بیلمه سین !

صــابر

سیلدیریم قایالار دفن ایله میشم

قلبیمه او قدر دئیبلر منیم

منسه باغیشلائیب عفو ایله میشم

اینجی مه دیم هچ واخت دوستون سوءزوندن

چونكی كئچه بیلمدیم دوستون اوزوندن

ایندی هاممیسی گلیر ایكی گوزومدن

گنج لیكده نه قدر كئف ایله میشم

وئرمیشم قلبیمه تابی دوءزومی

دیه بیلمه میشم ئورك سوءزومی

عیواض آی قارداش  ائوزوم ائوزومی

ساغلیق دا بیر یول لوق مهو ایلمیشم

یئتیم عیواض