اینجیمه بختیندن باخ زمانیه
زمان اینساتلارا یول نیشان وریر
اوشاق بویوك آنا دیلین بگنمیر
اوشاقلار بویوگه یول نیشان وریر
چایلار جوشقون گلیر دونیانی یئخیر
یوخسوللوق چوخالیر كاسیبی سیخیر
كهریزلر قورویوب سو موتوردان چیخیر
لوله لر چشمه یه بئل نیشان وریر
گلین سسین قاینانیا اوجالدیر
غم شله سین مرد ایگیدی قوجالدیر
اوغلانلار ساچ قویور قیزلار آزالدیر
ایندی بی گلینه تل نیشان وریر
آجین مصیبتین نه بیلر توخلار
غیرتلی دردین اورگده ساخلار
پالچیق آراسیندان چیخان قورقودلار
شاهمار ایلانا دیل نیشنان وریر
كه ل آزالیب بیربیرینن دویوشمور
چاققال اوزون پلنگینن ده ئیشمیر
جیرانلار مات قالیب گلیب سو ایشمیر
قارقالار كهلیگه كئول نیشان وریر
ستار نه قدر یازسان سئوز گلیر
زمانین بعضی ایشی اورگی دلیر
كئوره كن قایناتیا بیر حربه گلیر
سیله سین وورماغا ال نیشان وریر
ستارخدائی
