بیر گون یولوم دوشدی مزارستانا
ایله حس ایلدیم دوران یاتبدی
گوردوم اینسانلاری سسیز صداسیز
بیلدیم دن قورتاریب درمان یاتبدی
سویكه دیم بیر داشا ناتوان دیزی
زیارت ایلدیم آخیر اویمیزی
گوردوم دار قبیرده ظالیم چنگیزی
ایله ئیب دونیانی ویران یاتبدی
ایستدیم قاییدام آیاق دایاندی
باخدیم بیر قببره اورگیم یاندی
دونیانی ترك ادیب بیر آز زماندی
یار وصلین گورممیش جاوان یاتبدی
حیرصدن دیشلریم بیر بیرین یدی
گوزوم گاه آغلادی گاه گولومسه دی
داشین اوستونده كی یازیلار دئدی
شاعیر آستا یری اینسان یاتبدی
القانا بویادی دیشیم دوداقی
هر ندن چتیندی اولاد فراقی
گوردوم بیر قبیرده خیردا اوشاقی
آناسیندان اوزاق گیریان یاتبدی
اویما بو دونیانین پیس مرامنا
دونیا سلیمانلار چكمیش كامینا
یولچی طعنه وورور شاه مقامنا
آغادان یوخاری چوبان یاتبدی
اوردا هیتلر دوروب جیایت اتمز
یولداش یولداشیناخیانت اتمز
یوخسوللوق بیر كسی خجالت اتمز
توپراق ایچینده هامی یكسان یاتبدی
توپراق آلتیندا اریب بدن
گلدیگیم ندندی گتدیگیم ندن
بیریسی تاپمیب اوچ قاریچ كفن
قارانلیق مكاندا عوریان یاتیبدی
اوردا نه جلاد وار نه دار آغاجی
قارداشین تانمیر اوردا خان باجی
دونوب یار یارینا باخمور قیقاجی
اداسیز عشوه سیز جیران یاتبدی
توپراق آلتینداگوردوم من آیرلمازی
گلیب گتمگینه حیران یاتبدی
آیرلماز
