توركـــــــــــــــــــجه شـــــــــــــعرلر TÜRKCƏ ŞEYRLƏR / دالغالی آراز

شعرلر/ماهنیلار/آتالار سؤزو/بایاتیلار/تاپماجالار/دءرین سؤزلر

سیدابوالقاسم نباتی/مست اولدوم

+0 بگــــــنمه

بؤلوم : سیدابوالقاسم نباتی

ایشیم، پئشم اود یا ندیرماق،

قریب آتش پرست اولدوم!

ایچدیم سودو، چكدیم بنگی،

عجایب شیری-مست اولدوم!

قوی الدن جامی-شرابی،

آت گئتسین چنگو روبابی،

تئز اول، چك شیشه كبابی،

من كی، مستی-الست اولدوم.

كئچدیم تامامی-عالمدن،

سولئیمان ایله ختا مدن،

گویا دئییلدیم آدم دن،

بیر حباب ایدیم، پست اولدوم.

مرهبا كمانا، شسته، بیر تیره،

دوققوز فلكلری تیكدیم بیر-بیره،

روستمی-دستانی ائتدیم بیر-بیره،

گؤر نئجه قریبه زبردست اولدوم.

شیكار ایستر ایكن، دامه دوشدوم من،

بیر سیاه مست اولوب جامه دوشدوم من،

نباتی، صوبح ایكن شامه دوشدوم من،

بیر افعی ایلانا پای بست اولدوم.

 

سیدابوالقاسم نباتی

 


یازار : دالغالي آراز پنجشنبه 5 دی 1392 | باخیش لار (4)

سیدابوالقاسم نباتی/گلیب كوفرده ایمان الیمه

+0 بگــــــنمه

بؤلوم : سیدابوالقاسم نباتی

اولو یارب كی، دوشه دامنی-جانان الیمه؟

دوشسه، بیلله كی، دوشر چتری-سولئیمان الیمه.

چالرام داشه كولونگو بئله شیرین-شیرین،

جامی-عشقی وئره گر خوسرووی-خوبان الیمه.

ائدرم دایرئیی-میسری گوهردن لبریز،

دوشسه گر ل ’لی-لبی-یوسیفی–كنعان الیمه.

تؤوسنی-تب’ی–سباسئیری دویونجا چاپارام،

توتا بختیم، گله بیر ساهتی-میدان الیمه.

قوشارام آتی ایلن آتیمی دیل كسمه كدن،

عهد قیلدیم دوشه گر راییجی-دؤوران الیمه.

ساقی، دور، وئر منه بیر گور’ه او قان اولمو شدان،

چاره قیل دردیمه، وئر بیر تیكه درمان الیمه.

تنگه گلدیم، دخی بیر پنجه یئتیرررم چرخه،

گله گر قایمئیی-گونب هدی-دؤوران الیمه.

ائی زولئیخا، منی چوخ ائتمه جفا تاپداغی،

بئله قالماز، گلی بیر گوشئیی-زی ندان الیمه.

كونجی-ایخفاده اگر رختی-ایقامت سالسام،

وئرمز ال اوندا دخی روستمی-دستان الیمه.

اودومو قوردالما، ائی دیلی كج ابرانی،

یاخشی رنگ چكدی منیم چاكی-گیریبان الیمه.

حق بیلیر كیم، ائدرم مؤوجی-فنا غرقابی،

دوشسه گر دیدئیی-تر لججئیی – اوممان الیمه.

چكرم خنجری-الماس، اؤزومو اؤلدوررم،

ایگید اؤلموش، یول گل، یاخما منیم قان الیمه.

گئدرم داده علی ندن سنین، ائی دوشمنی-جان،

دوشسه گر باریگهی-شاهی-خوراسان الیمه.

گؤروم، ائی عشق، سنی گؤرم هی هسن هیچ ملل،

تاری بیلسین كی، گلیب كوفرده ایمان الیمه.

 

 

سیدابوالقاسم نباتی


یازار : دالغالي آراز شنبه 9 آذر 1392 | باخیش لار (0)

سیدابوالقاسم نباتی/لافَتـی الاعلی، لاسیـف الا ذوالفقار

+0 بگــــــنمه

بؤلوم : سیدابوالقاسم نباتی

 

ساقیا! دور باده وئـر، آچیلدی گول، گلدی باهار،

ابر رحمت ائیله دی صحرا و باغی لاله زار

ناله چـك بولبول كیمی، دور! رقصه گل دیوانه وار،

مست و مستانه بواسمی سؤیله هر دم آشیكار:

شـــیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

بالیغین قارنیندا یونس اولدو چون زار و حزین،

طاقتی طاق اولدو صبری گئتدی اولدو چوخ غمـین

حاضیر اولدو اول زامان یانیندا جبریل امین،

سؤیله دی غمدن خیلاص اول، ائیله بو ذكری همین:

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

ماه كنعانـی كه ائتـدی رنج زندان بی قرار،

اولدو زنجیر جفادان جیسم پاكی پاره پار

حددن ئوتدو چون كه محنت، تاپمادی بیر غمگسار،

یوز دوتوب درگاه حققه، سؤیله دی بی اختیار

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

حضرت ایوبی چون ائتـدی بلای حق نزار،

نیش كرمان ائیله دی جان ضعیفین زخمدار

چون كه تابی قالمادی، گئتـدی الیندن اختیار،

تا كه ذكر ائتدی بواسمی، اولدو غمدن رستگار:

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

آدمی شیطان چوائتـدی باغ رضواندان جدا،

بی كس و تنها و سرگردان گزردی هریانا

بیر طرف حوا فراقـی، بیرطرف رنج و عنا

عاقبت بو ذكری ائتدی، اولدو هیجراندان رها:

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

ایسته دی یاندیرسین ابراهیمی تا نمرود دون

منجنیقه قویدو، آتدی نار و نورا سرنگون

تا كه دوشدو آتشه، اولدم او مرد ذوفنون

آتشی ائتدی گولوستان، سویله دی بو اسمی چون

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

چون كی خیبر قلعه سینده قالدی عاجیز مصطفی،

نا اومید اولدو كه حاصیل اولماز اولدو مدّعا

گلدی ناگه جبرئیل و گتدی فرمان خدا

سؤیله دی بو ذكری تكرار ائت كه گلسین مرتضی

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

دشت ارجینده چو ائتدی شیر، سلمانی اسیر

عاجیز و بیچاره قالدی، تاپمادی بیر دستگیر

یوز توتوب درگاه حققه آغلادی اول مرد پیر

ظاهر اولدو اوندا ناگه شهسوار شیرگیر:

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

چون سلاسیل قلعه سینده اولدو احمد بی مدار،

نازل اولدو پیك رحمان، جبرئیل نامدار

سؤیله دی قوی منجنیقه، آت علیـنی بی قرار

فتح ائدر بیر لحظه ده سؤیله بو اسمی آشیكار:

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

روز اوّل جبرئیلدن تا كه حق ائتدی سؤال،

سن نه كیمسین، من كیمم، سؤیله جوابیم اولما لال!

دئدی سن، سن؛ من منم، اود دوتدویاندی پرّ و بال

ملتجی اولدو بو اسمه تاكه رفع اولدو ملال:

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

ای نباتی! مدح شاهی ائیله دائیم آشیكار،

تا كه اولسونلار خوارجلر حسددن كور و كار

حاصیل اولدو تا مورادین غافیل اولما زینهار

سؤیله بواسم عظیمی دم به دم بی اختیار:

شیر یزدان، شاه مردان، حیدر دولدول سوار،

لافَتـی الاعلی، لاسیـف الا ذوالفقار

 

سیدابوالقاسم نباتی


یازار : دالغالي آراز سه شنبه 5 آذر 1392 | باخیش لار (0)

سیدابوالقاسم نباتی/گوزلر گوزلریم

+0 بگــــــنمه

بؤلوم : سیدابوالقاسم نباتی

 
 
تیكمیشم گوز راهه بیر جلادی گوزلر گوزلریم

دامه دوشمیش صیدتك صیادی گوزلر گوزلریم

یوخسه دیرسیز زاهدم من اولموشام خلوت‌نشین

اول صنمدن اوتری بو بربادی گوزلر گوزلریم

بیستون داغین گیدوب گزمك دگل منظورمیز

نقش شیرین تك همان فرهادی گوزلر گوزلریم

تا ائدوب عكس جمالین سینه‌می لوح خیال

ششدر حیرتده بیرنرّادی گوزلر گوزلریم

برق عشقین آتش سوزانه یاخمیش باغرمی

یاش توكنده دجله‌ی بغدادی گوزلر گوزلریم

مكتب عشق ایچره تا اتسون منی كامل عیار

اولموشام پا بسته بیراستادی گوزلر گوزلریم

قویمیم تا اوندان اوزگه كیمسه بو ویرانه‌ده

روز و شب بو خاطر ناشادی گوزلر گوزلریم

پرتو مهر روخوندن تاكی بیلسون بیر نشان

هر طرف سیران ائدوب هریانی گوزلر گوزلریم

جمله ی قرآن كتابی ائیله مكدن الورق

اوزگه مطلب یوخ همین بیر آدی گوزلر گوزلریم

محمل لیلی  نباتی  گوزدن اولدو ناپدید

من نه مجنونم كی بو اوتادی گوزلر گوزلریم

 

سیدابوالقاسم نباتی


یازار : دالغالي آراز سه شنبه 5 آذر 1392 | باخیش لار (0)

سیدابوالقاسم نباتی/ای شوخ سیتمگر!

+0 بگــــــنمه

بؤلوم : سیدابوالقاسم نباتی

ای قامتی شومشاد، بویو سرو سنوبر،
ای شوخ سیتمگر!
آیا گؤره سن وار بو جاهان ایچره سراسر،
بیر گول سنه بنزر؟
گؤرجك سنی من، ای اوزو گول، طره سی سونبول،
ال هامیدان اوزدوم.
گر حور و پری روی زمینی توتا یكسر،
كؤنلوم سنی ایستر.
اول دم كی، سنین مهر روخون ائتدی تجلل،
عشق اولدو هووئیدا.
اوّل من ایدیم جان ائدن اول آتشه مجمر،
مندن سورا آذر.
سندن یئتیشیب خیضر- نبی سرّ نیهانه،
اولدو منه ثابت.
بیللاه، سن ایدین نازیل آیات پئیمبر،
جیبریله مصور.
آلمیش الینه مشعل خورشیدی مسیحا،
گردیشده دی دایم.
هر دم چاغیریر صیدق ایله، یا ساقی كوثر،
یا خواجۀ قنبر.
موسی كیم ایدی گؤستره خلقه ید بیضا،
ای شاهید غئیبی؟
“هو-هو” دئگینن ظاهر و باطینده مقرر،
ای ریند قلندر.
قورخوم بودور اما كی، اگر ساقیی گولرنگ،
دؤور ائتسه مسلسل،
عاریف لرین احوالین ائدن عالمه ازهر،
اول بادۀ احمر.
منصور-صیفت شام و صبا ذكر ”انالحق”
اولموش منه عادت.
معلوم كی، یازماز قلم خالیق اكبر
بیر امری مكرر.
قاچماق گرك آهسته بو میدان بلادن،
بیر كنج نیهانه.
بو عرصه ده باش قویدو بسا مرد دیلاور،
چوخ صاحب افسر.
گؤر عشقی كی، غوواص بو حار اولدو
نباتی
،
بی فن سباحت.
دریالری سئیر ائیله دی بیر لحظه ده یكسر،
بی هادی و رهبر.

 

سیدابوالقاسم نباتی


یازار : دالغالي آراز دوشنبه 4 آذر 1392 | باخیش لار (0)

سیدابوالقاسم نباتی/وئر جام شرابی

+0 بگــــــنمه

بؤلوم : سیدابوالقاسم نباتی

ساقی، نه دوروبسان، ائله بیر رقص حسابی،
وئر بادۀ نابی.
آزاد ائله بیر جام ایله بو مست و خرابی،
پاك ائیله حسابی.
یاران، نه قیلیم غم گونو بیر غئیر علاجیم،
یوخ باده دن اؤزگه.
بو قانی ایچیب یاد ائدرم غنچه تورابی،
اول عطر و گولابی.
اود توتدو تمامی بدنیم یاندی سراسر
بو نار فراقه.
من نئیله میشم كیم، چكیرم مونجا عذابی،
بو جؤور و ایتابی؟
ساقی، هله بدمست لیك ائتمك بئله دمده
هرگیز دئییل اینصاف.
ییخدین ائویمی، بیر ده آت اول تیر شهابی،
اول برق لحابی.
ای موطروب خوشخوان، ائله بیر رقص مخالف،
جانیم سنه قوربان.
تؤك زولفونو، افشان ائله اول چتر قوبابی،
وئر كاكیله تابی.
هر وقت كی، دوشر یادیمه اول نرگیس مخمور،
ای لاله عذاریم.
لبریز ائدرم قان ایله بو چشم پر آبی،
بو منز یل خوابی.
ای وادی وحدتده قالان عاشیق مهجور،
سركشته و رنجور،
مئیخانه ده گئت رهن ائله قرآن و كیتابی،
قالدیر بو حجابی.
قویما منی، موشكولدو، قاللام زار و پریشان،
ای مضحر باری.
گؤستر منه اؤز نورین ایله راه ثوابی،
فتح ائیله بو بابی.
مندن سورا بیللم كی، قالیر باشینا داغلار،
“مجنون” دئیر، آغلار!
آخ، یادیمه سالدین گئنه ایّام شبابی،
چك-چك بو طنابی!
بو مولك قراداغده بیر عاشیق عریان
همواره گركدیر.
نه بنگی اولا، نه اولا یاقوت موزابی،
نه جام شرابی.
هر عاشیقی گؤردوم، ائلدیم دردیمی اظهار،
احوالیمه یاندی.
بیر آه چكیب، چالدی یئره چنگ و روبابی،
وئردی بو جاوابی:
هرچند كی، بیمار غم عشقه دوا یوخ،
بیر سؤز دئییم آمما،
یئیدیر بو مریضه گئنه بئه دانه لعابی
یا شربت آبی.
تفتیش ائده بیر كیمسه كی، بو عاشیق عریان
ساكیندی نه یئرده.
گل اوشتیبینه، تیخ اوزومو، ناری، دوشابی،
آت تاخچییا قابی!
بسدیر بو قدر آغلما، بیچاره
نباتی
،
دیلداردن آیری.
ذكر ائیله دمادم گئنه بو عرش جنابی
بیر خیضر-نیقابی.
غم دفعینه، ساقی، منه بیر جام لبالب
قیل لطفو عنایت.
خوناب یئدیرمه منه، چك شیشه كبابی،
وئر جام شرابی.
اول گوشۀ چشمینده اولان خال سیاهین
دوشمندی بو جانه.
قویسان یئیرم من بو دم اول نحس غورابی،
چوخ چوخدو ثوابی.

 

سیدابوالقاسم نباتی


یازار : دالغالي آراز دوشنبه 4 آذر 1392 | باخیش لار (1)

سیدابوالقاسم نباتی/مستزاد

+0 بگــــــنمه

بؤلوم : سیدابوالقاسم نباتی

 

ای غنچه دهن، سیم بدن، دلبر طناز ¤ ای سرو سر افراز!
اُولدوم داخی، قوربانین اولوم، رحم ائله بیر آز ¤ بسدیر بو قده ر ناز.
یاندیم، كوله دوندیم، یاناسان سن ده منیم تك، ¤ ای دختر ترسا،
اول ناكس ایله اولما داخی همدم و همراز، ¤ والله بئله اولماز.
آدم كیمی چوخداندیر اولوب ورد زبانیم، ¤ یا ربی ظلمنا!
اما كی نه حاصیل او جفا پیشه اینانماز، ¤ بیر دم منه باخماز.
سن بویله بیلیردن كی اوزون عاشیق اولوبسان، ¤ كول باشینا اولسون!
دور پوفله اوجاغی، بو اودون یاشدیر، آلیشماز،¤  اوز باشینا یانماز.
مین داغی اگر بیر نفسه جانیما قویسا، ¤ بیر اوف دئمه رم من،
اما اونو گور بیرجه منی یانینا قویماز، ¤ بیر بوسه یه قییماز.
قالدی داخی چون محشره بو حسرت دیدار، ¤ ای یار وفادار!
باری هر ایكی ایلده سوروش حالیمی آژ – ماز، ¤ یا بیرجه كاغیذ یاز.
طوطی كیمی فریاد ائله رم خسته و رنجور،¤  بو كونج قفسده،
بیر پسته ایله كیمسه منی یادینا سالماز، ¤ بیر كونلومو آلماز.
ای بولبول بیچاره! فغات ائتمه دمادم، ¤ صبر ائیله دوت آرام،
دائیم كی قیش اولماز، مئی همیشه بئله قالماز، ¤ البته گلر یاز.
اوز وورما، منی سئیر گولوستانه آپارما، ¤ ای همدم جانی!
یوز فصل باهار اولسا، منیم كونلوم آچیلماز،¤ بو كئفدن آییلماز.
یاریم یئنه مندن كوسوبن آجیق ائدیبدیر،¤ اوخ! اوخ! آمان آللاه!
بیلمم نه قیلیم، چاره ندیر، بیر اوزون آچماز،¤ بیر كلمه دانیشماز.
كونلوم ائوینی لشكر غم ائیله دی ویران،¤ ساقی سنه قوربان!
دور وئركی بو سیسقا بیر–ایكی جامیله دویماز، ¤ تا دوشمه سه، قانماز.
سال غولغوله، بو گنبد افلاكه، خروش ائت، ¤ ای دف زن چابك!
مطرب! داخی سن شـّـد ائله بیر نغمۀ شهناز، ¤ ای مرغ خوش آواز.
هر نه دئیه جكسن، دئه گیلن، جانیما خوشدور،¤ ای زاهید بد كیش!
دریایا داش آت، یا قایا سال، ذره جه داشماز،¤ هرگیز كی بولاشماز.
باخما كی بئله عاجز و مسكیندی
نباتی، ¤ هی! هی! حذر اوندان!

 

سیدابوالقاسم نباتی


یازار : دالغالي آراز یکشنبه 3 آذر 1392 | باخیش لار (0)

سیدابوالقاسم نباتی/زولف چلیپا دلیسی

+0 بگــــــنمه

بؤلوم : سیدابوالقاسم نباتی

اولدی كؤنلوم یئنه بیـر زولف چلیپا دلیسی

دوشدی زنجیره نه خـوش یئرده بو سودا دلیسی

عور و عریان باش آچیق اوز چؤووروب صحرایه

قویدی مجــنونی یاری یولدا بو صحـرا دلیسی

عاشــق سـوخته‌دیر بولبول شــیدا كی دگیل

كی اولوبدور دیه‌سن بیــر گـول حمرا دلیسی

رب ارنی دئیلن ذیــكری دؤنوب موســــایه

دشت ایمن‌ده اولوب نور تـــجلی دلـــیسی

چوخلاری مست قیلیب ساقی میـــخانه عشــق

گؤرمدی كیمسه منـیم تك بئله رسوا دلیسی

دئمه فرهادایله مـجنون دلی‌دیربیربری باخ

بیری شیرین دلی‌سیدر بیری لیلی دلیسی

كنج وحدتده تباه اولدی عزیزعؤمروم حئییف

اولمادی یار منه بیر بت زیبا دلی‌سی

خوشلیب‌دیر گؤره‌سن هانسی مزارستانی

دیون اول زاهده ای بیر كوكه حلوا دلی‌سی

گول ایاغینده سحر وقتی ییخیلمیشدیم مست

بیری سسلندی كی ای بو گول رعنا دلیسی

بیر آییل گؤركی نباتی نئجه اوراد ائله‌ر

نه یاتیبسان بئله ای بیر گؤز شهلا دلیسی

 

سیدابوالقاسم نباتی


یازار : دالغالي آراز یکشنبه 3 آذر 1392 | باخیش لار (0)

سیدابوالقاسم نباتی/نیه نالان اولدوم؟

+0 بگــــــنمه

بؤلوم : سیدابوالقاسم نباتی

گؤرسن من نییه یارب بئله نالان اولدوم ؟

غلط ائدیم كی سنه واله و حئیران اولدوم!

 اودا یاخدین من بیچاره نی پروانه كیمی

آجیغین گلدی مگر عاشیق انسان اولدوم ؟

 سود و سرمایه می مجموع الیمدن آلدین

نییه كیم زاهد اولوب مسجیده دربان اولدوم !

شیخ صنعان كیمی من بوینوما سالدیم زنار

ایندی گل گؤر كی كیلیسالارا رهبان اولدوم

  ائتدیم اول دیلبر ترسایا بو گون بیر سجده

ایندی بیلدیم كی یقین منده مسلمان اولدوم

 شكر الله كی من كوفرده بولدوم ایمان

كئچن ایامه نه حاصیل كی پشیمان اولدوم

 گل نباتی، دولانیم باشینا، به!به! نه گؤزل

جان وئریب یاره، وفا راهینا قوربان اولدوم

 

سیدابوالقاسم نباتی


یازار : دالغالي آراز دوشنبه 27 آبان 1392 | باخیش لار (0)

نباتی/سؤیله او گولعذاره

+0 بگــــــنمه

بؤلوم : سیدابوالقاسم نباتی

صبا منـدن سؤیله او گولعذاره

بولبول گولوستانه گلسین گلمه سین؟

                                              بو هیجران دوشگونو، ایللر خسته سی

                                              قاپیـنا درمانه گلسین گلمه سین؟

من قوربانی اولوم عنبر تئللرین

غنچه دوداقـلارین، پسته دیللرین

                                             او لاله رخسارین، مشكین خاللارین

                                             اودونا پروانه گلسین گلمه سین؟

گؤزوم چوخ حسرتدیر خومار گؤزونه

گونش جمالینا شَكـر سؤزونه

                                           اوتانیرام نئـجه دئیـیم أوزونه

                                           دردین خسته جانه گلسین گلمه سین؟

دولاشدیـر بوینوما شمشاد قولونو،

قوجاقلاییم، قوجوم اینـجه بئلینی

                                           لعل لبین أمیم، سوروم دیلیـنی

                                           ایستر ألی جانه گلسین گلمه سین!

نباتی ایسته مز سنسیز دونیانی

عزّتی، حؤرمتی، شوكتی، شأنی

                                           بیر زادا قالمایبدی داها گومانی

                                           بو باش او میدانه گلسین گلمه سین؟

 

نباتی



یازار : دالغالي آراز یکشنبه 26 آبان 1392 | باخیش لار (0)

یاش آخدی گؤزومدن،
كونلوم كؤزونو ...
سؤندورن اولسون!
"دالغالی آراز"

دوسلار سلام
خوش گلمیسیز اؤز بلاقینیزا
چوخ سئوینه رم كی محبتدن اؤرگلرینده
سؤز اولانلار بیر نچه آن منیم بلاقیمدا
سیر ائدیب و اؤز گؤزل باخیشلارین
بیلیندیرسینلر

آنا یارپاق

آرشیو

ایلگی

آختاریش

بؤلوم لر

تورکجه شعرلر (26)

آراز افسانه سی (1)

بایاتیـــــــــلار (2)

آتالار سؤزو (3)

تاپمــــــاجالار (3)

استاد شـــــــــــهریار (16)

علی آقا واحید (35)

فضــــــــــولی (15)

خاقـــــانی (6)

سلیمان رستم (7)

سیدابوالقاسم نباتی (15)

سید عظیم شیروانی (9)

ملاپناه واقف (4)

عمادالدین نســـــــیمی (6)

بختیــــــار (8)

صمد وورغون (8)

استاد یحیی شیدا (9)

دكتر زهتابی (1)

بهمن وطن اوغلی (6)

هوشنگ جعفری (5)

ولی نصـــــیری (8)

سالك تبریزی (3)

یئتیم عیواض (6)

صــــــــــــابر (6)

میكائیل آزافلی (5)

صائب تبریزی (5)

شاه اسمائیل ختائی (3)

ماهنیلار (9)

دءرین سؤزلر (5)

حسین جاوید (3)

میكائیل مشفق (3)

جعفر جبارلی (2)

حمید سخامهر (3)

استاد بارز (3)

حسین نجفی(شادی) (5)

آیریلمــــاز (2)

سحـــــر خانیـــم (4)

بولود قارا چورلو(سهند) (1)

سلیمان ثالث (2)

احمـد جــواد (1)

م . خوشنام (1)

رسول رضــا (1)

دالغالی آراز (10)

یولداش لار

سهلان/ساوالان/ساغلان/سآلان

دوکتــــور جـئــــــری

قـه فـه

Türk dil koruma odağı

کندیمیزین ناغیللاری

قارابالیق

ترکشناسی1

Insanliq

آرزو لار دونیاسی

اومـــای(UMAY)

قوش‌قایاسی

سون یازیلار

دالغالی آراز/

ولی نصیری/اوستاد"عاشیق مشی پاشایی" دونیاسین دگیشمک حاققیندا

دالغالی آراز/ منیم تاریم

دالغالی آراز/ سندن اوزاق

دالغالی آراز/ قورخورام آوجوم آچیلا

دالغالی آراز / چوبان قارداش

دالغـــــالی آراز / گؤز یاشیم

دالغالی آراز /

سوگیلیمین آدی ... !!!!

دالغالی آراز / گلدی پاییز

دالغالی آراز /فریاد قوشی

دالغالی آراز/وطنیم...

ملاپناه واقف/سئوگیلیم

دالغالی آراز/بیزیم حالیمیز!...

دالغالی آراز/صبرایله كؤنول

سالك تبریزی /ساقی!

فضولی/بیرغمگساریم قالمادی...

سحر خانیم/الینی وئر منه...

صمدوورغون/نصیبیم آه وزار اولسون...

فضولی/آهیم اؤدو

رسول رضا/قیزیل اوزوك

م.خوشنام/دره خلوت ـ تولكو به یدی

سحر خانیم/هانسی یوللاردان گلیرسن...

خاقانی/ناجنس آدام

هوشنگ جعفری/آراز اینجئیب

آتالارسؤزو

سیدابوالقاسم نباتی/مست اولدوم

علی آقا واحید/گؤزلرین

صمدوورغون/چكدیگیم آغریلار

احمد جواد / بیر بیلن یوخ كی ...

استاد بارز/ یا رب قوجالتما...

جعفرجبارلی/تئللر اوینادی

سلیمان ثالث/ وطن

حمیدسخامهر/یوخدور

یحیی شیدا/ائله باغلی لیق

سالك تبریزی /تنگنا

سالك تبریزی /گئتدی او جانان

بولود قارا چورلو(سهند)/من ده اینسانام

سحرخانیم/آند ایچیرم

سلیمان رستم/ایتیرسم آغلارام من !!!

آرشيو

مهر 1395

شهريور 1395

تير 1395

بهمن 1393

دى 1393

آذر 1393

تير 1393

خرداد 1393

ارديبهشت 1393

فروردين 1393

باغلانتی لار

دومانلی سوزلر

آیدین قوجا aydin qoca

دالغا:اشعارآذری

azerbaijani

طالبین توركجه وفارسیجا شعرلری

سفر از كثرت به وحدت

"آزربایجان قیزی یازیر،آزربایجان عشقینه"

تراختورچی قیز

سالك تبریزی/سكوت تلخ

گؤنش

مینجیق

قانادلی قیز/سئوگی كوچه سی

Ölümsüz Aşklar

بیر سالخیم شعر

زهـــرا بادره

ائلچی بئی

توتقـــــــون

جبارزاده / نجمه

بیر نفس ایلدیریم

سینیق كؤرپو / sinixkorpu

اومـــای / UMAY

Xatirələr durağı

ساوالان نان گلن سس

پینار/ یاشاسین منیم تورك ملتیم

شهربانو / gayagizi

بهبود مرادی / ائلچی خلخالی

آذریــــــن

كئفلی ایسكندر/ گرگرلی آراز

Odelsanaz

علی طالبی نین شعرلری

گؤزلری آیدین

ساری سونبوللی تارلا

تمنای دل

genetics.

جانیم آذربایجان

ساوالان اته ییندن بیر چلنگ شعر

Günışığı

افســــــانه

ایكی باشلی یوللار

یاغ آی یاغیش

وطنـــــــیم

نژاد محمد

وبلاگ ادبی،اجتماعی اكبر

رتد تبــــــــــــریزی

غملی لر باغچاسی

حرف دل دنیز

اوجامان شانلی یكان

آنالار لایلاسی

سلمان عبدی زاده

یالقـــــیز آغــــاج

نیسگیللی شعرلر (یونس كریمی)

یانیق اولــــــدوز

هنرگرافیك/سمیرا

ارغنـــــــــون

خاطیره عبدالعلی زاده

گـــــــؤزل شـــــــعرلر

گوجه نه قـــــــیزی

آیدین شعـــــــــر

خــــــــزر اوغلو

وبلاگ فارسی سیما

تیراختورچی ســــــیما

دومانلی ســــؤزلر 2

آذربایجان یوردوم منیم

توركجه طنزلر/ علیرضا رضائی

تیراختورچی پینار

علیرضا / مطالب مهدوی

بوخچــــــــا / buxca

وطنـــــیم

یووامـــــــــــــــــــیز

صابر عبـــــادی

كـــــــــــــیان

باریــــــش

آغلاغــــــان

علی واحـــــــــدی

تورکجه شعرلر/ حکم آبادی

سهراب آدیگوزلی

دوحتور مرتضی مجدفر

" ســــــازاق "

عربلی / ادبی - شعر طنز تورکی

یوردوموز یووامیز

سورغو

حؤرمتلي دوسلار باخيشيز بو بلاقا ندير ؟






سایغاج

ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :

ایمکان لار

RSS 2.0

http://traxtor-mars.blogfa.com/