سیلدیریم قایالار دفن ایله میشم

قلبیمه او قدر دئیبلر منیم

منسه باغیشلائیب عفو ایله میشم

اینجی مه دیم هچ واخت دوستون سوءزوندن

چونكی كئچه بیلمدیم دوستون اوزوندن

ایندی هاممیسی گلیر ایكی گوزومدن

گنج لیكده نه قدر كئف ایله میشم

وئرمیشم قلبیمه تابی دوءزومی

دیه بیلمه میشم ئورك سوءزومی

عیواض آی قارداش  ائوزوم ائوزومی

ساغلیق دا بیر یول لوق مهو ایلمیشم

یئتیم عیواض

من دونیادان كئوچ ایله ئیب گدن ده

ناله چكر اوقایالار اوداشلار

بودونیادان كئوچمه گیمی بیلنده

غریب سیه ر  نچه دوسلار  سیرداشلار

من دونیادان كئوچ ایله ئیب گدن ده

بولاغلاردا سیزیم سیزیم سیزیلدار

بودونیادان كئوچمه گیمی بیلنده

گوز یاشینی لیسان ایلر بولوتلار

من دونیادان كئوچ ایله ئیب گدن ده

قیزیل گولده شاخه له نیب آچانماز

بودونیادان كئوچمه گیمی بیلنده

قره نفیل ده ائوز عطرینی ساچانماز

من دونیادان كئوچ ایله ئیب گدن ده

یازیلاجاق نچه شعر " غزل لر

بودونیادان كئوچمه گیمی بیلنده

سینه سی داغلی قالار نازلی گوزل لر

من دونیادان كئوچ ایله ئیب گدن ده

نچه یئتیم " نچه یوخسول آز اولار

بودونیادان كئوچمه گیمی بیلنده

قارداش دئیب " ساچین یولار باجیلار

من دونیادان كئوچ ایله ئیب گدن ده

ایلمك لرین دویون سالار حانالار

بودونیادان كئوچمه گیمی بیلنده

اوغول دئیب هاری سالار آنالار

قویما گیلن بیر گول تكی سولوخوم

شاختا وورسون   آیازوورسون چاریخیم

قویما منی او دونیاده داریخیم

سنده كئوچ گل" عیواض كوچوب گدن ده

كولك نه یامان اسیر

كولك هارا تله سیر؟!

نیه سوزومو كسیر؟

قویمور دانیشیم من      یانیم من    آلیشیم من

شخته وورور  اوزومی

یاش آپاریر  گوزومی

یار اشیت میر سوزومی  منن اینجیب كوسوب

كولك نه یامان اسیر؟  كولك هارا تله سیر

وورور شاعیره یارا

چكیر قلبینی دارا

تله س   گج اولار سورا

چونكی عومور تله سیر    

  كولك نه یامان اسیر   كلك هارا تله سیر

نیه سوزومی كسیر   قویمور دانیشیم من

یانیم مـــن   آلیشیم مـــــــن

یئتیم عیواض

قیشی ائوتوب گچیب یازی قالیبدی

سینمده یازمالی یازی قالیبدی

بیر اوغول گزیرم یازا دردیمی            

بیراوغلان یوخدو كی یازا دردیمی؟!

یوخولار گورورم قاتما قاریشیق

یوخولارین الینده چاشیب قالمشیق

دئیرم نولار بیر غملی عاشیق

كوچورده اوش تللی سازا دردیمی    

بیراوغلان یوخدو كی یازا  دردیمی؟!

گونده بیر دون گئیر بو ظالم فلك

دوزور هر آغریا  آجیا ائورك

دئیرم آی عیواض نه اولار بوفلك

گوتوره قلمی پوزا  دردیمی !            

بیراوغلان یوخدو كی یازا دردیمی ؟!

یئتیم عیواض

خئیری آزالیب، شری چوخالیر

قیمت‏لی‏لر دوءشورلر قیمتیندن

گؤن قیمته مینیر، دری چوخالیر

ائله بیل غم یاغیب قایایا- داغا

كؤنول‏لر حسرتدیر، وصال تاپماغا

عالم‏لر- عاقل‏لر گلمیر قاباغا

باشدان-خاراب آرتیب، دلی چوخالیر

انسانی یاشادار، دایم آرزولار

آرزوسوز، حیاتین نه معناسی وار

گؤرموشوك خانیمین بیر اری اولار

بعضی خانیم‏لارین اری چوخالیر

چوخ‏لاری بو شعری چتین كی، قانا

قانان دا قورخورام چئویره، دانا

منیم یازیغیم گلیر آذربایجانا

قانی‏نی سوووران زلی چوخالیر

هر شئیین قیمتین اوءستونه یازین

نه فرقی دمیرین، گوءموشون، آلمیزین

سندن سوروشسالار دئ كی، عیواضین

قالا آلتیندا درد- سری چوخالیر

یتیم عیواض