محبت بویوكدور ازلدن بری
حیات عاشیقی دیر عشقی بیلن لر
آنار حسرت ایله كئچن گونلری
سئویب یاشایانلار سئویب اوءلنلر
محبت دئدیگین طبیعت ده دیر
طبیعت اوءزوده محبت ده دیر.
ای كونول بئشیگی-بوءیوك محبت!
سنین ده قدرینی بیلمه ین لر وار.
وارلیغی داش كیمی كسك كیمی سرت
بیر انسان عشقیله گولمه ین لر وار.
نه چوخدور گوءردوگوم قوجا دونیا
سوءز وئریب سوءز آلیب سوءز اونودانلار.
گوءره سن وجدانی سالیرمی یادا
عشقین معناسی اوجوز توتانلار؟!
وارمی سئومه یه نین بیر استقبالی؟
حیات دا سرسمین اوستونه گولر.
گون كئچر آغارار ساچی-ساققالی
چوءلده قورد-قوش كیمی یوواسیز اوءلر
بویوك یارانمیش دیر ازلدن انسان
محبت آدلانیر شیرین نعمتی.
عشقین میوه سی دیر هریئنی داستان
دویانلار یارادیر شعری صنعتی ....
صمدوورغون
