سن قورخوسوز ایچدین قان ای یار بوجور خوشدور
جئورعتله آلیرسان جان، ترار بوجور خوشدور
اود ووردو منه غمدن،آتش لره یاندیم من
نه قلب قالیب نه تن ،دیلدار بوجور خوشدور
هرگون گله رك هوشیار،اتدین منه ظلم ای یار
سرمست ایكن عذرون وار ، آذر بو جور خوشدور
سن نور ، نهان مندن ،هم روحئی ، قاچان مندن
بیربو سنه ، جان مندن ،بازار بوجور خوشدور
ایچدین قانیمی ای داد،كونلومده قوپور فریاد
اینجیتمه دین ای اوستاد،خونخوار بوجور خوشدور
من بیر قوش ایدیم ماهیر ،قوردون تور ، اولوب ظاهیر
هم غملیم ، هم شاكر،غمخوار بوجور خوشدور
اولموش اورگیم چوخدان،ایسته سن، ائوزون وئر جان
عشق اهلی كئچر جاندان،ای یار ، بوجور خوشدور
من گرچه وارام سن سیز،بیجا یاشارام سن سیز
جاندان بئزرم سن سیز،خوممار بوجور خوشدور
وئر جانینی ، خاقانی،ائول سئوگیلی قوربانی
ائتسن گر عزیز جانی،ایثار بوجور خوشدور
خاقــــــــــانی
