|
اگر قویسان باخام من بیر نظر اول چشم شهلایه،
گؤزوم چیخسین اگر من بیر ده باخسام جام مینایه
بیر اؤزگه حاجتیم یو خدور، ولی مشتاق دیدارم،
نولور باخ بیر نظر بو ععاشیق مجنون شیدایه
شب یلدا دئییب، حسرت چكیب، قان- یاش تؤكن زاهید،
دئ، ائششك، كور دئییلسن، باخسان اول زولف چلیپایه!
اگر عارف سن، آنلارسان، نه لازیم كشف حال ائتمك،
منی بیر گؤزلری جادو سالیب بو شورو غووغایه
سیزه مندن امانت، ای جاوانلار، من كی تا گئتدیم،
ولكین سیز حیف سیز، دوشمه یین بو قا نلی سؤودایه
نباتی، چوخ جفا چكدین، مرادین اولمادی حاصیل،
یئری، پیریندن آل همت، یاپیش دامان مؤولایه
نباتی
|
