یارین بوینون قوجاقلادیم ، یار آغلادی من آغلادیم
ییغیشدی قونشولار بوتون ، جار آغلادی من آغلادیم
باشیندا قار قالان داغا ، دانیشدیم آیریلیق سؤزون
بیر آه چئكیب باشینداكی ، قار آغلادی من آغلادیم
طاریمدا نار آغاجلاری،منی گؤروب دانیشدیلار
بویومو زیتون اوخشادی، نار آغلادی من آغلادیم
ائلئی كی اسدی بیر خزان،تالاندی گوللریم منیم
خبرچاتینجا بولبوله،خار آغلادی من آغلادیم
اورك سؤزون دئدیم تارا،سیملر اولدو پارا پارا
یاواش یاواش سیزیلدادی،تار آغلادی من آغلادیم
دئدیم كی حق منیمكیدی،باشیمی چئكدیلر دارا
طنف كسنده بوینومو،دارآغلادی من آغلادیم
جعفری یم؛بویوم بالا،غم سینه مده قالا قالا
یار جانیمی آلا آلا،یار آغلادی من آغلادیم
هوشنگ جعفری
