|
سنین هیجرینده گولوم قلبیم اولوب یاره منیم
رحم قیل قوی اولونا دردیمه بیر چاره منیم
سالما چوخ لیلی تك ائوز قیثینی آواره چئوله
راضی اولما كی دگه ال آیاغیم خاره منیم
اوت توتوب اوتلانارام تركیمی قیلسام وطنیم
چكمه یاد ئولكیه جسمیم یانا بس ناره منیم
گل گیلن عاشیقینی ائتمه دیگرگین بوقدر
قوی بیلین سین كی اولوبدور مكانیم هاره منیم
دئمه یوخدور دوءزوموم جور و جفایه گوزلیم
بیلیرم تانری یازیب طالعیمی قاره منیم
قورخورام عمر " نصیری " گئده بر باده آخیر
یئتمه میشدن الیم هئچ سن كیمی بیر یاره منیم
تبریز" ولی نصیری
|
