سئودیگین یارین الیندن توتاسان جام آلاسان
اؤپه سن لبلرین او ناز ائده ، سن تام آلاسان
مبتلاسی اولاسان بیر گولر اوزلو گؤزه لین
هر سحر كوسدوره سن كؤنلونو ، آخشام آلاسان
شاعرانه نه سعادتلی گؤزل منظره دور
باخیب اؤز ایسته دیگین دلبره بیر كام آلاسان
شوق لعلی یئتر عشق اهلینه گول چهره لرین
نه گرك! ساقی الینده می گول فام آلاسان
یا وئریب جان وطن اوغروندا هنر گؤستره سن
یا اولوب عشق اسیری بئله بیر نام آلاسان
اووچو گؤرموش قوشی صیاد چتینلیكله توتار
ساده دل بیر ائله قوش تاپ كی، اونی رام آلاسان
بیر گؤزل وارمی كی ناز ائیله مه گیندن باشقا
یئریشیندن، دوروشوندان ، باخیب ایلهام آلاسان
بسدیر ، ای خسته كونول هیجر بلاسین چكدین
سن گرك وصله یئتیب بیر قدر آرام اولاسان
واحید! انعام ائده جك یاریم اؤز عاشیق لرینه
سن ده بیر لطفه گلیب صاحب انعام اولاسان
علی آقاواحید
