|
اول گون كی منه عشق یاراتدین نئجه گئتدین؟ آل صورتیمی اونلا ساراتدین نئجه گئتدین؟ من بیر خام آدام سنده ده یوخ رحم ومروت بیر باخماق ایلن وضعیمی قاتدین نئجه گئتدین؟ قان یاشلی بوگوزده یوخو یوخدور گئجه سنسیز بختیم كیمی منسیز گئجه گئجه یاتدین نئجه گئتدین؟ كونلوم چابالیر هر گئجه گوندوز سنی ایستیر سن داش كیمی الدن منی آتدین نئجه گئتدین؟ چیخدیم بازارا یوخلایاراق عشق ماتاهین بیر قول كیمی سن تئز منی ساتدین نئجه گئتدین؟ گوز قالدی یولوندا یئنه "شادی" سنی گوزلر اون دورد گئجه لیك آی كیمی باتدین نئجه گئتدین؟ حسین نجفی(شادی)
|
