|
بو یئرده گولن اولسا، تریمی سیلن اولسا، قارداشلیق گوزل شیئدیر قدرینی بیلن اولسا بیر قوش گلیر آغداشدان خبر ورین قارداشدان قارداش باجی دان دویسا، باجی دویماز قارداشدان. هر ائوده آچیلار قیزیل گول كیمین عطرینی باهاردان آلار باجیلار آنالار دونیادان كوچ ائدن زامان قارداشا بیر آنا اولار باجیلار... یار گول تاخیب تلینه الین ووروب الینه قوی ساغ اولسون قایناتا حورمت الر گلینه. آلمانی آلما گلین! آل یئره سالما گلین، ائوده سوز – سوز چوخ اولار اورگینه سالما گلین. دایی ، دایی ، جان دایی، جان سنه قوربان دایی آنام پیلو پیشیریپ گل بیزه مهمان دایی. یئزنه یئزنه جان یئزنه، گل بیزه مهمان یئزنه كوچون داغدان گلنده، بیر قوزو قوربان، یئزنه. قارشیمیزدا بو دوران، بو زامانا،بو دوران گلین قدرینی بیلك دوشمز اله بو دووران. بالام گلیر یاتماغا، بویویوب بوی آتماغا صاباح یوخوسی شیرین قییمیرام اویاتماغا. بایاتیلار
|
