باش آچمادیم عومروم بویو من یازیخ
ابلیسیندن، ملگییندن دونیانین
آدم ساتدی بیر آلمایا جنّتی،
تورا دوشدو كلگیندن دونیانین.
نه گؤزلدیر، اوره ك گئنیش، سؤز آچیق
یاشامادیم بیر سئودامی یاریمچیق
عذاب آدلی دییرماندان نارین چیخ،
كئچه جكسن الگییندن دونیانین
آرزوم اوچون بیر مله ین جویوردوم،
او تپه دن بو تپه یه یویوردوم.
نییه قورخوم كفنیندن ؟نه گؤردوم
بئشیگیندن، بلگیندن دونیانین ؟
بیر اوزوموز اوزوموزدن اوج آلدیق
اوتن گونه گلن گونو باج آلدیق
عومروموزون یاریسیندا قوجالدیق
شیلله سیندن كوتگیندن دونیانین
كونول اوزگون خیال كوسگون دربه در
اوزون سوئیله ظلم اولارمی بوقدر؟
یئدكله ئیب آراحاسینجا سورودر
برك یاپیشان اتگیندن دونیانین
كونول دوشدو مین آرزونون ایزینه
بیلممه دیك اگریسی نه دوزو نه
ایندی كفن توخویوروق اوزونه
اوز گولوندن چیچگیندن دونیانین
بختیاروهابزاده
