|
ائی پری، شیرین لبین عشقینده فرهاد اولموشام. تا سانا قول اولموشام، عالمده آزاد اولموشام. تاكی، سن دن آیرو دوشدوم، ائی دیلرامیم منیم، دمبه دم در نالوو افغانو فریاد اولموشام. گرچی غمگینم غمی-هیجرینده، ائی آرامی-جان، تا سنی گؤردو گؤزوم غمگین ایكن شاد اولموشام. ائی سنم بو مؤهنتی-هیجرو فراقین دان سنین، گر خراب ایدیم، ولی وصلین دن آباد اولموشام. تا سنی گؤردی ختائی بیلمز اؤزون خاندا دیر، تا سانا من آشینا بولدوم، اؤزوم یاد اولموشام. شاه اسمائیل ختائی
|
