|
تا یوزون گؤردوم، نگارا، غمدن آزاد اولموشام قوللوغوندا،پادشاهم،حسنونه شاد اولموشام گــــلمیشم دیـــدارینه تا جـانیمی قــوربان ائدم ای دوداغی جان شیرین، گؤر نه فرهاد اولموشام تاپدی عشقین كونلوم ایچره حقه لایق بیر مقام گؤر نه عالی وجه ایله مهرینده بنیاد اولموشام تا جمالین مصحفیندن اوخورام سبع المثانی سبعه خوانم، حافظم، قرآندا استاد اولموشام من عراق ایچینده گزدیم بیر موحد گؤرمه دیم عاشق مصرم، یئنه مشتاق بغداد اولموشام قوللوغوندان تا ایراغ ائتدی منی دور فلك حسرتیندن من غلام سرو آزاد اولموشام چون سنی گؤردی نسیمی دیئر به آواز بلند عشقله من آشنایم،عقلیله یاد اولموشام عمادالدین نسیمی
|
