|
سن اولماسان، گؤزه لیم، گولستانه باخمازایدیم
چمن چیچك لرینه عاشیقانـه بـاخمـاز ایـدیـم
اسیـر زولفـون ا گـر اولمـاسـایـدیـم عـالمــده
جمالینـا بـو قـدر عـاجیـزانـه بـاخمـاز ایـدیـم
منیملـه اولسـاایـدیـن بیـر دقیقـه عـؤمـرومــده
جهان بوتون گؤزه ل اولسا، جهانه باخمازایدیـم
منی فراقین اودی یاخمـاسـایـدی شمـع كیمـی
گؤرنده گول اوزونو، یانه ـ یـانـه بـاخمـازایـدیـم
فـراقینـا دؤزه بیلسـه ایـدی قـان اولان كـؤنلــوم
یولوندا چكدیگیم آه و فغانـه بـاخمـازایـدیـم
او گول جمالینا من عاشیق اولماسـایـدیـم ا گـر
فغانِ بولبوله چـوخ محـرمـانـه بـاخمـازایـدیـم
نـزاكـت اولمـاسـا، واحیـد، طبیعتیمـده منیــم
او قارا گؤزلره مـن شـاعیـرانـه بـاخمـازایـدیـم
علی آقاواحید
|
