علی آقاواحید/ناز ائت منه، ای سئوگیلی جـانـان منـه نـاز ائـت

علی آقاواحید/ناز ائت منه، ای سئوگیلی جـانـان منـه نـاز ائـت

(( یانسین دیلیم آغزیمدا دئسـم نـازیـوی آز ائـت

ناز ائت منه، ای سئوگیلی جـانـان منـه نـاز ائـت))

اوّل بـاخیشینـدا منـی حئیــران ائلــه دیــن ســن
بیر اینجه گولـوشلـه اوره گیـم قـان ائلــه دیــن سـن
سـونـرا منـی بیـر لطفیلـه خنـدان ائلــه دیــن ... سـن
كافیـر قیـزی آخیـر منـی صنعـان ائلــه دیــن سـن
((یانسین دیلیم آغزیمدا دئسـم نـازیـوی آز ائـت
ناز ائت منه، ای سئوگیلی جـانـان منـه نـاز ائـت))

خلـق ائیلـه میـش اؤز كئیفـی گلنـده سنـی تـاری
اؤلـدور بـو بـلادن منـی قـورتــار سنــی تــاری
رحـم ائـت منـه، بیگـانییـه نـاز ائیلــه مــه بــاری
آلقیـش ائلـه بیـر عـاشیقینــی محــرم راز ائــت
انصـاف ائلـه اؤز عـاشیقینـی محــرم راز ائــت
((ناز ائت منه، ای سئوگیلی جانـان منـه نـاز ائـت))

آیینه نـی حئیـرتـده قـویـوب، عكـس جمـالیـن
خورشیدی خجـالتـده قـویـوب عـارض ِ آلیـن
عاشیقلـری حسـرت قـویـوب زولفیلـه خـالیـن
بلكـه اولا قسمــت بیــزه گــولــزارِ وصــالیــن
هردن بو سینیق كـؤنلـومـو بیـر لطفلـه سـاز ائـت
((ناز ائت منه، ای سئوگیلی جانـان منـه نـاز ائـت))

گـؤردوم، گـؤزه لیـم، اوزگییـه سـن نـاز ائلـه ینـده
آز قالدی كی، روحوم اوچا، جان قالمادی منده
بـو نـاز و نـزا كــت وارایكــن بیــر بئلــه سنــده
درد اهلـی اینـان دوشمـه یـه بیلمــز بــو كمنــده
دائـم بـو گـؤزه ل خلقتــه میــن رازِ نیــاز ائــت
((ناز ائت منه، ای سئوگیلی جانـان منـه نـاز ائـت))

تفلیس شهرین ائیله میش هر كیمسه كـی، ایجـاد
جنّت كی، دئییرلر، ائـدیـب ایجـاد اونـو شـدّاد
بـوردان آپـاریـب حـوری و قیلمـان و پــریــزاد
یـارب، بـو پـریچهـره لــری بنــده نــواز ائــت
((ناز ائت منه، ای سئوگیلی جانـان منـه نـاز ائـت))

دونیا اوزونه یـاخشـی گـؤزه لـر گلیـب هـرچنـد
اولمـاز سنـه بیـر اؤلكـه ده نـه میثـل، نـه مــاننــد
تبریز، باكی، تهران، شكی، شیروان، قوبا، دربند
گنجـه، قــارابــاغ، شهــر بخــارا و سمــرقنــد
ایسترسـن ا گـر، عـزم رهِ مـولـك ِ حجـاز ائـت
((ناز ائت منه، ای سئوگیلی جانـان منـه نـاز ائـت))

اولمـا گـؤزه لیـم، صـورتینـه بیـر بئلــه مغــرور!
مـن ائتمیشـم عشقیملـه سنـی عـالمــه مشهــور
هیجرینـده منـی ائیلـه مـه غـم چكمگـه مجبـور
درگـاهـه منـی قـول دئیـه، مــاننــد ایــاز ائــت
((ناز ائت منه، ای سئوگیلی جانـان منـه نـاز ائـت))

واعـظ، ائلـه ظـن ائیلمـه، حقـی دانیـر عـاشیـق
نه كعبه، نه بوتخـانـه، نـه مسجیـد تـانیـر عـاشیـق
لاكن اؤزونو حق سئـوه ن انسـان سـانیـر عـاشیـق
دونیـاده فقـط بیـرجـه محبّـت قـانیـر عـاشیــق!
سن گئت هلـه، اؤلمـوشلـره تكلیـف نمـاز ائـت
((ناز ائت منه، ای سئوگیلی جانـان منـه نـاز ائـت))

واحیـد، دئمـه مــن دائمــی یــم ذؤق و صفــاده
منصـــوری ده یـاد ائتمـه لـی ییــك دارهِ فنــاده
بـو مصـرع ِ نـازی او دئمیــش بیــر بئلــه ســاده
یــارب، ســن اونــا رحمتینـــی ائیلـــه زیـــاده
قبر ایچره اونـون روحـونـو لطفـونلـه فـراز ائـت
((ناز ائت منه، ای سئوگیلی جانـان منـه نـاز ائـت))

علی آقاواحید

یازار : دالغالي آراز

دوشنبه 4 آذر 1392 | باخیش لار (0)