|
عؤمور امانت دیر، بیلین آی دوسلار
بلایه هئچ كیمین باشی ده یمه سین
عئیب ائتمه ز اینسانی آغلاتسا ووصال
اوزونوزه كدرین یاشی ده یمه سین
جاوانلیق ائیله ییب، گولمه یه نه وار؟
عؤمروموزون سونونو بیلمه یه نه وار؟
مردین گول له سیله اؤلمه یه نه وار؟
كیشی یه نامردین داشی ده یمه سین
آغلاتسین « بهمنی » بیر ائل گؤزلی
چونكو داشا دئییب عشقین ازلی
قوی منی دوغراسین بیر لوقمان الی
آماندیر یاراما ناشی ده یمه سین
بهمن وطن اوغلی
|
