آرزولاریم دیلك لریم سنه یوزدی " سنه مین
یاناغلارین نم گوءرمه سین سنین كیمین صنمین
یولچو سن اول"یول من اولوم گئچ اوستوندن سینه مین
اوزاغلقین مندن اوتور هیجران دئیل بس ندیر ؟
گوزل لیغین گوزلریمین قاراسیدی آغیدی
ائورگیمده مجنون لوغون زیله قالخان چاغیدی
لپه لر وار ساحیل لری دوءیور دیدیر داغیدیر
وارلیغیمدا بوش قالدیران طوفان دئیل بس ندیر ؟
باخیشین لا باخیشیما اوخشا اینجه سوینجه
گوز دءیمه سین گوزلرینده گوللر آچان سوینجه
بئله وورغون باخماغیمی گناه سایما بو گنجه
گونه باخان آغ گونشه حیران دئیل بس ندیر ؟
عوضیمده هركیم اولسا یاشماقدان بئزردی
كئوزكئوزاولدی دویغولاریم كئوزكئوزاولدی كئوزردی
داش اولسایدی عومور بویی حسرتینه دئوزردی
عریمزمی بو زلیم خان اینسان دئیل بس ندیر ؟
زلیم خان
