|
نه اوچون حسنونه ای گول بئله مغرور اولدون؟
بی وفالیق دا بوتون عالمه مشهور اولدون.
نییه اوز عاشیقینی بونجا نظردن سالدین,
كیم لر اورگتدی سنی,یا نییه مجبور اولدون؟
بسله دیم زحمت ایله غنچه زامانیندا سنی,
نییه گول تك آچیلیب ,غیرایله مسرور اولدون؟
توتدون اغیاری,منی هیجر اودونا یاندیردین,
سنه بیگانه اولان كس لر له نیه جور اولدون؟
اوزگه لر مجلسینی گون تك ایشیقلاندیردین,
بیزه یئتدیكده نه تئزكن بئله بی نور اولدون!
وئردین اغیاره نیشان جمله گوزه للیك لرینی,
زولف ایله واحیدی گورجك نیه مسطور اولدون؟!
علی آقاواحید
|
