علی ذوالفقاری دوشوب توپراغا
عدالت جهاندا ائولوبدور آغا
بیری یئر تاپانمیر گئجه یاتماغا
بیری آلدیریر ات ایته آتماغا
بو تبعیضیدن سینه زار اولدی گل
وریب الدن انسان دل و جانینی
چكیب لكه ی ننگه دامانینی
ایتیردی بشر راه عرفانینی
ساتیر قارنینا خاطیر ایمانینی
بشر گئور نجه جیره خوار اولدی گل
بیر عده سالیب عالمه زلزله
بیر عده اولوب بدتر از حرمله
یالاندان دئیرلر آغا كاش گله
ولی هاردا فرصت سالیرلار ائله
گچیرلر نمازدا صف اوله
بعضی بشرین دهریده یوز صورتی واردی
آلله بولور اونون قلبیده نه نیتی واردی
بیرگون گوروسن جبهه ی شیطانه طرفدی
بیرگون گوروسن شاه شهیدانه طرفدی
بیرگون گوروسن طابع اولوب كفر و نقاقه
بیرگون گوروسن قرا گئیب باشدان آیاغه
بیرگون گوروسن داش داشییر قبر شهیده
بیرگون گوروسن آجر آتیر كاخ یزیده
قیلمیر ایكی ركعت نمازین هفته به هفته
جمعه نمازیندا دایانیر اوله صفده
انسانداكی مین رنگ اولا انسان دماغ اولماز
مین رنگلی انسانا مسلمان دماغ اولماز
لعنت گله بیر شخصه كی بنیان وجودی
ظاهرده مسلمان اولا باطنده یهودی
ای كه علی شیعه سی سن مین یولا گتمه
شخصیتیوین دامنینی لكه لی ائتمه
تزویر ائلمه خلق پراكندیه خاطیر
آللهه گورا سعی ائیله نه بنده یه خاطیر
احسان وریسن تا كه آدین دیللره دوشسون
دارائی وین آوازه سی محفل لره دوشسون
اما بیر كس بیله همسایه نین آذوقه سی كمدی
والله اونون احسانیده اسلامه ستمدی
تشریح ائیله انگیزه ی احسان ندی سنده
بو بخشش و بو بذل فراوان ندی سنده
سعی ایلیسن مهر حسین دونمیه قهره؟
یا ثروتیوی گورسدیسن مردم شهره ؟
اما بونی بیل یار اولان اغیاری بگنمز
زهرا بالاسی شخص ریا كاری بگنمز
یوز یول گده سن گر پول ربادن
مین یول دولانیب یول سالاسان مروه صفادن
احرامی اگر قامتیوه باغلیاسان سن
یوز دفعه بقیع ده اوتوروب آغلیاسان سن
چون قلبیوه نور عملین تابشی یوخدی
والله او حجین بیر توك جان ارزشی یوخدی
فانوسه نه حاجت اوزمانكی گونوز اولسا
انسان ائوزی بیر كعبه دی اعمالی دوز اولسا
هرقلب كی پاك اولسا ائوزی قبله نمادی
بیر نیمه سی مروه اوبیری نیمه صفادی
هرقلبیده آئینه كیمی اولماسا لكه
گر یاخجی گزیب آختاراسان اوردادی مكه
كلامی زنجان
